“Qarabağ”ın Avropa Liqasındakı rəqibi ÇSKA növbəti oyununu keçirib. Sofyalılar Bolqarıstan çempionatının ikinci turu çərçivəsində “Botev”i qəbul edib.
Futbolinfo.az xəbər verir ki, Bakıdan qolsuz heç-heçə ilə dönən ÇSKA II təsnifat mərhələsinin cavab görüşü ərəfəsində qələbə qazanıb. Oyun paytaxt təmsilçisinin 3:2 hesablı qələbəsi ilə bitib.
38-ci dəqiqədə hesabı açan “Botev” 90+3-cü dəqiqədə matçda son nöqtəni qoyub. ÇSKA isə bu aralığa 3 qol sığdırıb. Zvarts 41 və 89, Pittas isə 90+1-ci dəqiqədə fərqlənib.
İlk turda heç-heçə edən ÇSKA bu qələbə sayəsində turnir cədvəlinin 5-ci pilləsinə yüksəlib. Zirvəni 6 xalla “Ludoqorets” və “Levski” bölüşür.
ÇSKA – “Qarabağ” oyunu iyulun 30-da, Vasil Levski adına milli stadionda keçiriləcək.