İsveçin Höteborq şəhərində keçirilən yeniyetmələr arasında beynəlxalq “Gothia Cup” futbol turniri zamanı Efiopiyadan gələn komandalardan birinin 20 nümayəndəsi itkin düşüb. Məlumata görə, polis hadisənin könüllü şəkildə yoxaçıxma olduğunu və bunun qanunsuz miqrasiya məqsədi daşıya biləcəyini ehtimal edir.
Bu il keçirilən turnirdə 77 ölkədən komandalar iştirak edib və Efiopiya dörd komanda ilə təmsil olunub. Final günü futbolçuların və onları müşayiət edən şəxslərin qaldığı məktəbin əməkdaşları bütün qrupun yerləşdiyi məkanı tərk etdiyini aşkar ediblər.
Yarışın təşkilatçıları dərhal polisə müraciət ediblər. Turnirin başa çatmasından 10 gün keçməsinə baxmayaraq, itkin düşən 20 nəfərin harada olduğu hələ də məlum deyil.