Müsahibə
Əli Sahib: “Cəmiyyətin iti olmaq cəmiyyətin oğrusu olmaqdan şərəflidi!”
AFFA-nın baş katibi Elxan Məmmədovun sonuncu müsahibəsi futb…
AFFA-nın baş katibi Elxan Məmmədovun sonuncu müsahibəsi futbol içtimaiyyətində birmənalı qarşılanmadı. Baş katibin illər öncə “Turan” – “Neftçi” oyunu barədə səsləndirdiyi fikirlər tovuzluların da böyük narazılığına səbəb oldu. Buna cavab olaraq sözügedən dövrdə “ağ-qaralar”ın vitse-prezidenti olmuş Tahir Süleymanovun açıqlaması ölkə futbolunun səmasında ildırım effekti yaratdı.
Bu azmış kimi “Neftçi”nin adı yenə danışılmış oyunda hallandı. Bu dəfə fanat.az saytından olan həmkarlarımız 3-cü turdan təxirə salınmış oyunun nəticəsinin şübhəli olması iddiası ilə futbol içtimaiyyətini silkələdi. Düzdü, “Neftçi” rəsmiləri istər sosial şəbəkədə, istərsə də mediada bu xəbərlərin fakta söykənmədiyini iddia etdi. Biz də öz növbəmizdə xəbərin qaynaqlandığı ünvanın qapısını döydük. Suallarımızı fanat.az saytının baş redaktoru Əli Sahib cavablandırdı.
– Əli müəllim, danışılmış oyun şübhəsi haradan qaynaqlanır?
– Verdiyimiz xəbərdə şübhəli məqamlara kifayət qədər arqument gətirmişik. Biz nəinki “Neftçi”, hansı klub olursa-olsun, bizim borcumuz bu şübhələri ictimailəşdirməkdi. Gələcəkdə də belə hal baş versə, heç nədən və heç kimdən çəkinmədən eyni addımı atacağıq.
– Verdiyimiz xəbərdə şübhəli məqamlara kifayət qədər arqument gətirmişik. Biz nəinki “Neftçi”, hansı klub olursa-olsun, bizim borcumuz bu şübhələri ictimailəşdirməkdi. Gələcəkdə də belə hal baş versə, heç nədən və heç kimdən çəkinmədən eyni addımı atacağıq.
– Amma “Neftçi” tərəfi bu xəbərin fakta söykənmədiyini deyir…
– “Neftçi” rəsmilərinin fikirləri ilə tanışam. Bunu da normal qarşılayıram. Müdafiə olunan tərəf nə etməlidi? Amma o da var ki, necə müdafiə olunur? Hərə öz səviyyəsinə, tərbiyyəsinə görə. Bir müddət öncə hakimin Kardozonu söydüyünü iddia edən indi özü söyüşlə cavab verir. Söyüş həmin adamların canında və qanındadı. Çünki özləri söyüşlə idarə olunur. Mədəni cavabı mədəniyyət görənlər verir. O ki qaldı fakta, buna da aydınlıq gətirim. Bu fikir ölkə mətbuatında o qədər səslənib ki, şablona çevrilib. Buna baxmayaraq, təkrarlayacam: baxın, kənd, rayon yerində insanlar həyətində iti nə üçün saxlayırlar? Başlıca səbəb həyəti qorumaq üçün. Gecə vaxtı it şübhəli səs eşidirsə və yaxud təhlükə görürsə, hürməyə başlayır. Artıq bundan sonrası ev sahibinin üzərinə düşür. Şirin yuxusuna haram qatıb oyanmayacaqsa, səhərisi həyətində qiymətli heç nə tapmayacaq. Yox, əgər itin səsinə vaxtında reaksiya verəcəksə, oğru ev sahibinin sayıqlığına görə ən azı bir müddət o tərəflərə gəlməyəcək. Jurnalist də cəmiyyətin itidi. Əgər mən təhlükə hiss etmişəmsə, cəmiyyəti oyatmaq borcumdu. Əks təqdirdə nə olacağı məlumdu. Cəmiyyətin iti olmaq cəmiyyətin oğrusu olmaqdan şərəflidi! Bunu da başa düşənlər üçün dedim.
– “Neftçi” rəsmilərinin fikirləri ilə tanışam. Bunu da normal qarşılayıram. Müdafiə olunan tərəf nə etməlidi? Amma o da var ki, necə müdafiə olunur? Hərə öz səviyyəsinə, tərbiyyəsinə görə. Bir müddət öncə hakimin Kardozonu söydüyünü iddia edən indi özü söyüşlə cavab verir. Söyüş həmin adamların canında və qanındadı. Çünki özləri söyüşlə idarə olunur. Mədəni cavabı mədəniyyət görənlər verir. O ki qaldı fakta, buna da aydınlıq gətirim. Bu fikir ölkə mətbuatında o qədər səslənib ki, şablona çevrilib. Buna baxmayaraq, təkrarlayacam: baxın, kənd, rayon yerində insanlar həyətində iti nə üçün saxlayırlar? Başlıca səbəb həyəti qorumaq üçün. Gecə vaxtı it şübhəli səs eşidirsə və yaxud təhlükə görürsə, hürməyə başlayır. Artıq bundan sonrası ev sahibinin üzərinə düşür. Şirin yuxusuna haram qatıb oyanmayacaqsa, səhərisi həyətində qiymətli heç nə tapmayacaq. Yox, əgər itin səsinə vaxtında reaksiya verəcəksə, oğru ev sahibinin sayıqlığına görə ən azı bir müddət o tərəflərə gəlməyəcək. Jurnalist də cəmiyyətin itidi. Əgər mən təhlükə hiss etmişəmsə, cəmiyyəti oyatmaq borcumdu. Əks təqdirdə nə olacağı məlumdu. Cəmiyyətin iti olmaq cəmiyyətin oğrusu olmaqdan şərəflidi! Bunu da başa düşənlər üçün dedim.
– Deyirsiz ki, kubokda AZAL “Neftçi”yə qalib gələcək?
– Artıq cəmiyyət oyanıb. Oğruların qaçmaq vaxtıdı. Baş verə biləcək qara əməlin qarşısını ala bildiyim üçün çox xoşbəxtəm (gülür). Bütün həmkarlarımdan da, dostlarımdan da bu məsələdə yanımda olmağı, bu məsələnin gündəmdə saxlanılmasını istəyirəm. Təbii ki, yanımda olmayanlar da olacaq. Belə getsə, bütün hallarda itirən AZAL olacaq. “Neftçi” bizim iddiamızı əsas gətirib, borcunu növbəti mövsümdə qaytarmağa söz versin (yenə gülür).
– Artıq cəmiyyət oyanıb. Oğruların qaçmaq vaxtıdı. Baş verə biləcək qara əməlin qarşısını ala bildiyim üçün çox xoşbəxtəm (gülür). Bütün həmkarlarımdan da, dostlarımdan da bu məsələdə yanımda olmağı, bu məsələnin gündəmdə saxlanılmasını istəyirəm. Təbii ki, yanımda olmayanlar da olacaq. Belə getsə, bütün hallarda itirən AZAL olacaq. “Neftçi” bizim iddiamızı əsas gətirib, borcunu növbəti mövsümdə qaytarmağa söz versin (yenə gülür).
ELMAR ABDULLAZADƏ