Ölkə kuboku
"Qəbələ"nin dünənki oyunu məyusedici idi"
Dünən Azərbaycan kubokunun ¼ final mərhələsində ilk …
Dünən Azərbaycan kubokunun ¼ final mərhələsində ilk oyunlar baş tutdu. Keçirilən 4 matçdan sonra yarımfinalçılardan üçünün kimliyinə böyük ölçüdə aydınlıq gəlib. Başa çatmış oyunlar haqqında mütəxəssislərin fikirlərini öyrəndik.
Vaqif Sadıqov: “Məncə, keçirilən 4 matç içərisində gözlənildiyi kimi “Neftçi” – AZAL oyunu gərgin keçdi. Yalnız bu qarşılaşma sual altında qaldı. Fikrimcə, bəzi cütlüklərdə favoritlər bəllidi. Mənə elə gəlir ki, növbəti mərhələdə “Simurq”, İnter” və “Qarabağ”ı görə biləcəyik. “Qəbələ” – “Simurq” matçının gərgin keçəcəyini gözləsəm də, bu baş vermədi. Ancaq “Qarabağ”la qarşılaşmadan sonra qəbələilərin dünənki oyunu çox məyusedici oldu”
Şahin Diniyev: "İlk olaraq “İnter” – “Xəzər Lənkəran” görüşü haqqında danışmaq istəyərdim. Matçda qeydə alınan nəticə gözlənilməz olmadı və hesab oyuna görə oldu. Sxadadzenin yetirmələri müdafiədə etbiralı oyunu ilə seçilirlər. Ona görə də inanmıram ki, bakılılar səfərdə 3 top buraxalar. “Bankirlər”in yarımfinala çıxma şanslarını 70-80 faiz olduğunu düşünürəm. ”Neftçi” – AZAL görüşü isə gərginliyi ilə yadda qaldı. Hər iki komandanın qol vəziyyətləri oldu. Sadəcə olaraq, tərəflər ehtiyatlı oyun göstərərək cütün taleyini növbəti görüşə saxladı. O ki, qaldı “Qəbələ” – “Simurq” qarşılaşmasına… Fikrimcə, böyükhesablı məğlubiyyət “qırmızı-qaraları”ın kubok yarışından kənarda qalacağına gətirib çıxaracaq. Meydan sahibləri oyun üslubu ilə heç bir nəticə əldə edə bilməsələr də, zaqatalalılar ehtiyatlı oyun göstərərk qələbə qazandı. Böyük ehtimalla bu cütlüyün taleyi artıq həll olunub. “Qarabağ”ın da artıq növbəti mərhələyə keçdiyini düşünmək olar.
Ağasəlim Mircavadov: “İnter” – “Xəzər Lənkəran” oyununu canlı izlədim. Lənkəran klubu gənc futbolçulardan qurulmuş kollektivdi. Futbolçular istəkli olsa da, komandanı arxasınca apara biləcək bir oyunçu yoxdu. Əyalət təmsilçisi qol vəziyyətləri yaratsa da, bundan istifadə edə bilmir. Deməzdim ki, dünən keçirilən oyunlarda paytaxt klubunun futbolçuları aqressiv oyun nümayiş etdirdilər. Amma qazandıqları 2:0 hesablı qələbə onlara növbəti mərhələyə keçmək üçün böyük şans verir. “Neftçi” – AZAL görüşündə isə hər iki tərəf çalışırdı ki, qol vursun. Matçın bərbərliklə başa çatması o demək deyil ki, onun xeyrinədi və ya ziyanına. Bu cütlüyün mübarizəsi cavab görüşündə bilinəcək. “Qarabağ” gözlənildiyi kimi “Bakı”nı uddu. Bu, onsuz da, məlum məsələ idi. “Qəbələ” – “Simurq” oyununda isə qonaq komanda çox ağıllı oyun ilə qalib gəldi. Nəticə onlara daha çox şans verir ki, zaqatalalıar növbəti mərhələyə keçsin. Fikrimcə, qəbələlilərin şansı çox azdı. İnanmıram ki, onlar səfər meydanında 4 top vura bilsinlər”.
ELMAR ABDULLA-ZADƏ
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”