Premyer-liqa
Cavid Hüseynov: “Artıq hər şey sabitliyə doğru gedir”
Topaz Premyer Liqasının martın 18-də keçiriləcək 26-cı t…
Topaz Premyer Liqasının martın 18-də keçiriləcək 26-cı turunda “Qəbələ” “İnter”lə qarşılaşaсaq. Futbolinfo.az xəbər verir ki, son 3 turda qələbə qazanan “qırmızı-qaralar” səfər qarşılaşmasında da uğurlu nəticə qazanmaq iddiasındadı.
“Qəbələ”nin təcrübəli yarımmüdafiəçisi Cavid Hüseynov qarşıdakı görüşlə bağlı fikirlərini klub saytı ilə bölüşüb: “İnter”lə oyuna çox yaxşı hazırlaşmışıq. Fikrimiz yalnız qələbə qazanmaqdı. Səfər oyununda 3 xal qazanmağa köklənmişik. Kollektiv oyun nümayiş etdirib, meydanda vahid komanda kimi mübarizə aparsaq, bunu bacararıq. Komanda yeni formalaşır. Bu üzdən bizə zaman lazım idi. Bizim də kifayət qədər vaxtımız olub. Artıq hər şey sabitliyə doğru gedir. İndiki mövqeyimizdən razı deyilik. Bunu düzəltmək üçün qələbələr qazanmalıyıq. Çempionatın son 3 oyununda qalib gəlmişik. “İnter”lə oyunda bu seriyanın daha uzunmüddətli olması üçün çalışacağıq”.
Hüseynov Azərbaycan Kubokunda mübarizəni davam etdirə bilməmələrinə görə də təəssüflənib: “Düzdü, çempionatla yanaşı, kubokda da uğurlu çıxış edib, finala qədər irəliləmək istəyirdik. İndi bütün fikrimizi çempionata yönəldəcəyik. Çünki avrokuboklara yolumuz yalnız Premyer Liqadan keçir. Hər matça qələbə üçün çıxıb, 3-4-cü yerlər uğrunda mübarizə aparacağıq”.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”