Ölkə futbolu
Flavinyo – "Neftçi"nin yarım milyonluq "boyunduruğ"u
Flavinyo. Azərbaycana gəlişi 2010-cu ilə təsadüf etdi. "…
Flavinyo. Azərbaycana gəlişi 2010-cu ilə təsadüf etdi. "Neftçi"nin sıralarında parlayan braziliyalı tezliklə komandanın liderinə çevrildi. Hər iki ayağı ilə oynamağı bacaran yarımmüdafiəçi həm fərdi keçidləri, həm sərt və ağıllı ötürmələri, həm də hiyləgər zərbələri ilə "Neftçi" fanatlarının sevimlisinə çevrildi. 2011-ci ildə "Neftçi"nin qızıl medal qazanmasında əsas pay sahiblərindən biri oldu. "Neftçi" də eləmə tənbəllik, futbolçu ilə ilinə 550 minlik, uzunmüddətli müqavilə imzala.
2013-ün sonlarından Flavinyonun ulduzu yavaş-yavaş sönməyə başladı. Deyə bilmərəm, bu, imzaladığı müqavilədən gələn başgicəllənməsi idi, ölkə klublarının braziliyalının oyun üslubuna qarşı məlhəm tapması, yoxsa potensialının tükənməsi. Ancaq nə fərqi? Toplananların yerini dəyişdikdə, cəm dəyişmir. Flavinyo ildən-ilə geriləyir və bunu kor da görür, kar da duyur, lal da deyir…
İndi "Neftçi"nin siması dəyişib. Daha doğrusu, "Neftçi" yerli-köklü dəyişib. Həm rəhbərlik dəyişib, həm klubun strategiyası, həm də baş məşqçisi. Özü də Flavinyonun oyununun alınmamasının səbəbi kimi, baş məşqçi dəyişkilyini göstərmək absurd olar. Çünki nə Böyükağa Hacıyev, Nə Nazim Süleymanov, nə də Arif Əsədov dönəmində o, özünü göstərə bilmədi. Bir daha təkrar edirəm, söhbət son 2 ildən gedir. "Ağ-qaralar" hələ mövsümün gedişatında təmizləmə işinə start verdilər. Mövsüm başa çatdıqdan sonra da, vaqon-vaqon legionerlərdən imtina etdilər. Söz yox, Flavinyo da "qara siyahıda" idi. Ancaq 31 yaşlı braziliyalını yola salmaq mümkün olmadı. Əlində müqaviləsi olan, gələcəyi heç nə vəd etməyən birisinin "Neftçi"dən öz xoşu ilə getməsi mümkünsüzdü.
Daha bir mövsüm paytaxt klubunda "boyunduruq" olan Flavinyo ümumi ab-havaya da mənfi təsir göstərəcək. Bir tərəfdən maaşları azaldılan və ya komandadan kənarlaşdırılan yüksək ödənişli futbolçulardan azad olma strategiyası, digər yandan yarım milyonluq Flavinyo. Sizcə, Azərbaycan reallıqlarında belə bir oyunçuya komanda yoldaşları hansı münasibətdə olarlar? Ötürmə edəcəklərmi? Onun normal oynamasına qısqanc yanaşmayacaqlarmı? Sualların cavabı üzdədi: əlbəttə ki, yox! Yəni, hansısa möcüzə baş versə və braziliyalı əvvəlki günlərini xatırlatmaq iqtidarında olsa belə, komanda yoldaşları buna imkan verməyəcəklər. "Yox əşşi, bizdə belə şey ola bilməz", düşüncəsində olanlar isə, qarşıdan gələn mövsüm "Neftçi" – Flavinyo tandemini oyunda diqqətlə izləsinlər.
CEYHUN ƏLİYEV
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-05 20:57
“Sabah”dan növbəti qələbə
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO
- Digər idman növləri2024-05-05 16:22
“Bakı Marafonu 2024” qalibləri müəyyənləşdi