I Liqa
Divizionda şou davam edir: MOİK-ə hakimlərin də gücü çatmadı
1-ci divizion. Qəribəliklərlə dolu, rüsvayçılıqlarla…
1-ci divizion. Qəribəliklərlə dolu, rüsvayçılıqlarla zəngin, oyun alqı-satqısına göz yumulan, hakim özbaşnalığı təbii hal kimi qəbul olunan 1-ci divizion.
Bu gün də bu cür hallardan birinə şahidlik etdik. “İt yiyəsini tanımayan” çempionatın nə başı bilinir, nə də ayağı. Əsas şüar “təki iştirakçı olsun”du! Necə oynayırlar, kim üçün oynayırlar, idman prisiplərinə riayət olunurmu? Bu suallar heç kimi maraqlandırmır.
Çempionatın bitiminə 7 tur qalıb. Çempionluq uğrunda mübarizə 2 kollektiv arasında gedir. Demək olar, bürünc mükafatçı da məlumdu. Ancaq bu “trio”nun heç biri Premyer Liqaya vəsiqə qazanmayacaq. Axı, Azərbaycan reallığı var. SOCAR-ın maliyyələşdirdiyi “Neftçala”, “Qaradağ Lökbatan” və “Ağsu” “1-ci divizionun kolleksiyaçısı” qismində iştirak edirlər. Müxtəlif əyarlı medallar qazanmağa icazə verilib, ancaq elitaya yüksəlmək olmaz!
Bu gün şahidi olduğum MOİK – “Neftçala” qarşılaşması da istisna təşkil etmədi. AFFA-nın “qatar əhvalatı”, “15 dənə verirlər” hadisələrinə göz yumduğu, PFL prezienti Ramin Musayevin “əcəb eləyir” dediyi Xaqani Məmmədovun sevimli kadrlarından olan Rəvan Həmzəzadə SOCAR-dan maliyyələşən “Neftçala”nın məğlub olmaması üçün meydan sahiblərinin qapısına qol vurmaqdan başqa, əlindən gələn hər şeyi etdi. Çoxsaylı qayda pozuntularına göz yuman referi, “hərbçilər”in lehinə aşkar penalti epizodunda da “nöqtə”ni göstərmədi. Bununla vəzifə borcunun yerinə yetmədiyini düşünən Həmzəzadə Röyal Nəcəfovu meydandan qovdu. İlk qolun müəllifi olan Nəcəfov haqlı olaraq penalti tələb etdiyi epizodda emosiyalara qapılaraq: “Allaha and olsun penalti idi. Əgər orada penalti yox idisə, mən kişi deyiləm, var idisə, sən kişi deyilsən”, “zəhəri”ni hakimlərin üstünə töküncə, 4-cü hakim Ramiz Məhərəmov Həmzəzadəyə “kişi söhbəti” barədə məlumatı çatdırdı. Son qərar baş hakimə məxsus idi. Əslində, “9 nömrə” söyüş söyməyib, birbaşa heç kimi təhqir də etməyib. Ancaq məsələ burasındadı ki, hakimlər penalti olduğunu Nəcəfovdan da yaxşı bilirdilər. Deməli, özlərini təhqir olunmuş kimi qəbul edə bilərdilər. Nəticədə, Röyal meydançadan qovuldu.
Düşünürsünüzsə ki, bununla da ekzotik 1-ci divizion əhvalatı başa çatdı, yanılırsınız. Hələ qarşıda 2 seriyamız var.
“Neftçala”nın futbolçusu Ramazan Həsənov rəqib futbolçuyla mübarizədə uğursuz şəkildə hasara çırpıldıqdan sonra ciddi zədə aldı. Fasilə zamanı qanaxmadan əziyyət çəkən müdafiəçi təcili tibbi yardım maşınıyla xəstəxanaya aparıldı. Ən qəribəsi budu ki, matç sonadək təcili tibbi maşını olmadan, QEYRİ-QANUNİ davam etdirildi. Görəsən, ikinci dəfə təcili yardım avtomobili tələb olunsaydı, xəsarət alan oyunçunu xəstəxanaya kimin belinə yükləyib çatdıracaqdılar?!
2-ci seriya bu oyuna aid olmasa da, 1-ci divizionla bağlıdı. Debüt ilindəcə adından söz etdirməyi bacaran “Şərurspor” bu turda da “parladı”. “Qaradağ Lökbatan”ın qonağı olan kollektiv ilk yarıdan sonra çempionluq uğrunda mübarizə aparan lökbatanlıları səfərdə 2:0 üstələməsinə baxmayaraq… Bəli-bəli, yanılmadınız, sonda sevinən tərəf meydan sahibləri olub – 3:2.
Qətiyyən sübut yoxdu. Əcəb eləyiblər!
AĞA
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”