Milli komanda
Kanada yığması – 66-cı rəqib
Azərbaycan millisi sabah növbəti oyununu keçirəcək. Fu…
Azərbaycan millisi sabah növbəti oyununu keçirəcək. Futbolinfo.az "Apasport"a istinadla xəbər verir ki, Avstriyadakı təlim-məşq toplanışı çərçivəsindəki son matçına çıxacaq yığmamız üçün Kanada millisi ilə yoldaşlıq görüşü 223-cü olacaq.
Belə ki, tarixində ilk matçını 1992-ci ilin sentyabrın 17-də səfərdə Gürcüstana qarşı keçirib, 3:6 hesabı ilə uduzan komandamız 24 il ərzində 222 oyunda meydana çıxıb. Yığmamız indiyədək 40 qələbə qazanıb, 60 dəfə heç-heçə edib.
Hesabında 122 məğlubiyyət olan komandamız bu matçlarda 157 dəfə rəqib qapısına yol tapıb. Millimiz rəqiblərinin 378 qoluna məyus olub.
Komandamız yoldaşlıq oyunları və ya eyni statuslu beynəlxalq turnirlər çərçivəsində 115-ci sınağına çıxacaq. Belə görüşlərdə 30 dəfə qalib gələn millimiz 38 “sülh”lə kifayətlənib. Bu qarşılaşmalarda 46 dəfə meydanı başıaşağı tərk edən futbolçularımız bu görüşlərdə 102 qol vurub, 146-nı buraxıb.
Avstriyadakı matç xorvatiyalı baş məşqçi Robert Prosineçkinin millimizdə 12-ci sınağı olacaq. Ötən il 8, bu il 3 qarşılaşmada yığmamıza rəhbərlik edən mütəxəssis 2 qələbə və 4 heç-heçəyə sevinibsə, 5 dəfə məğlubiyyət acısı yaşayıb. Top fərqində də yetirmələri onu daha çox məyus edib – 9:16.
Kanada ilə sınaq xorvatiyalının 6-cı yoxlama oyunudu. Əvvəlki 5 matçda 1 qələbə və 1 heç-heçəsi olan komandamız 3 dəfə uduzub. Həmin görüşlərdə 4 qol vuran futbolçularımız 9-nu buraxıblar.
İlk dəfə qarşılaşacağımız Kanada millimizin 66-cı rəqibi olacaq. Çünki əvvəlki 222 oyunda yığmamız 65 komanda ilə üz-üzə gəlib. Benito Floronun yetirmələri komandamızla görüşən 4-cü Amerika təmsilçisi olacaq. Belə ki, indiyədək okeanın o tayından olan 3 milli ilə üz-üzə gəlmişik. Bunlar Trinidad və Tobaqo, Honduras və ABŞ milliləridi. Amerika qitəsinin təmsilçiləri ilə əvvəlki 4 oyunda qol vura bilməyib, 5-ni buraxan komandamız 1 heç-heçə ilə təsəlli tapıb.
Şimali amerikalılarla matç 3 futbolçumuz üçün də yubileylə əlamətdar ola bilər. Kamran Ağayev 60, Əfran İsmayılov 30, Səlahət Ağayev 10-cu dəfə milli forması geyinmək üçün bu matçda ən azı 1 dəqiqə iştirak etməlidi.
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”
- Digər idman növləri2024-04-26 17:22
Olimpiadanın püşkünün atılacağı gün məlum oldu
- Digər idman növləri2024-04-26 16:00
Finalın nominal meydan sahibi və başlama saatı bəlli oldu
- Milli komanda2024-04-26 17:54
Millimizin təlim-məşq toplanışı olacaq