Ölkə futbolu
Əhvalı korlanan "Qarabağ" yenilənmiş "İnter"ə qarşı
Bu gün Topaz Premyer Liqasının ilk turu çərçivə…
Bu gün Topaz Premyer Liqasının ilk turu çərçivəsində daha bir oyun keçiriləcək. Futbolinfo.az saytı xəbər veriri ki, son illər mükafatlar uğrunda bir-birinə rəqib olan “İnter”lə “Qarabağ” “İnter Arena”da üz-üzə gələcəklər.
Təqvimə əsasən, açılış həftəsində “Qarabağ” “İnter”i qəbul etməli idi. Lakin ağdamlılar Peşəkar Futbol Liqasına müraciət edərək, ev oyunlarını keçirdiyi “Azersun Arena”nın ot örtüyündə yenilənmə işlərinin getdiyini səbəb göstərib Premyer Liqanın I turunun “Qarabağ” – “İnter” matçının “İnter Arena”da keçirilməsinə razılıq verilməsini xahiş etdilər. Bu səbəbdən də yerdəyişmə baş verdi.
20:00 “İnter” – “Qarabağ”
Hakimlər: ƏLİYAR AĞAYEV, Zeynal Zeynalov, Rza Məmmədov, Mübariz Haşımov.
Əlavə köməkçi hakimlər: Rauf Cabbarov, İnqilab Məmmədov.
AFFA nümayəndəsi: Abbas Hüseynov.
Hakim-inspektor: Məlik Həsənov.
“İnter Arena” (5300 yerlik).
Bu kollektivlərin son 2 mövsümdəki qarşılaşmalarında maraqlı tendensiya qeydə alınıb. Belə ki, 2014/15 mövsümündə “Qarabağ”, ötən mövsüm isə “İnter” rəqibini yenə bilməyib. Bəs, dünən start götürən çempionatda kim kimə güc gələcək?
Yeni mövsümdə yenilənmiş bir “İnter” görəcəyik. Hər halda, yay fasiləsində heyətdə edilən dəyişikliklər belə söyləməyə əsas verir. Laşa Kasradze, Vüqar Nadirov, Nika Kvekveskiri, Georgi Lomaya, Yuri Fomenko, Kamran Ağayev, Laşa Salukvadze, Sezar Meza Kolli kimi aparıcı futbolçular “bankirlər”lə yollarını ayırıb. Əvəzində Slavik Alxasov, Ağabala Ramazanov, Səlahət Ağayev, Pərdis Fərcad-Azad, Samir Zərgərov, Ruslan Abışov, Tərlan Quliyev, Adrian Skarlatake, Məmməd Quliyev və Orxan Sadıqlı transfer olunub ki, bu futbolçuların içində bizə yad olanı yoxdu, hər birinin potensialına bələdik. Bu mənada, “İnter”in gücləndiyini qeyd edə bilərik.
Rəqibindən fərqli olaraq, avrokubokda mübarizə aparan “Qarabağ”ın rəsmi oyun praktikası baxımından sıxıntısı yoxdu. Lakin ağdamlılar bu həftə dramatik şəkildə Çempionlar Liqası ilə vidalaşdığından, komandanın əhvalı yerində deyil. Yay fasiləsində heyətində ciddi dəyişikliklər etməyən əyalət təmsilçisinin pərişan durumuna açılış həftəsində əldə olunacaq qələbə son verə bilər.
STATİSTİKA: 47 oyun, -10=16 +21, top fərqi 29-53
ÖTƏN MÖVSÜM…
İnter – Qarabağ 0:2
Qarabağ – İnter 1:0
İnter – Qarabağ 1:1
Qarabağ – İnter 2:0
OYUNDAN NOTLAR
* “İnter” ağdamlılarla oyuna tam heyətlə hazırdı: nə cəzalı var, nə də zədəli.
* “Qarabağ”ın da cəza baxımından sıxıntısı yoxdu.
* Ağdam klubu "bankir"lərlə dueldə yalnız zədəli Namiq Ələsgərovun xidmətindən məhrumdu.
* Yay fasiləsində “İnter”dən ayrılan Vüqar Nadirovun “Qarabağ”a növbəti dönüşü rəsmiləşdi. Ötən mövsüm icarə əsasında “Kəpəz”də çıxış edən, müqavilə ilə Ağdam klubuna məxsusu olan Tərlan Quliyev isə artıq “bankirlər”in heyətində yer alıb.
REFERİ
Ötən mövsüm Əliyar Ağayevin idarə etdiyi oyunlarda “İnter” qələbəyə həsrət qalıb: 3 oyun – 1 bərabərlik, 2 məğlubiyyət. “Bankirlər”ə 7, rəqiblərinə 2 “sarı” verən FİFA referisi penaltilərdə bərabərliyi qoruyub – 1:1.
“Qarabağ” isə əksinə, Ağayevin idarə etdiyi 5 görüşün heç birində uduzmayıb: 3 qələbə, 2 heç-heçə. Əliyar ağdamlılara 5 sarı, rəqiblərinə 6 sarı və 1 qırımızı vərəqə göstərib. FİFA referisinin “Qarabağ”la bağlı penalti statistikasında da tarazılıq var – 1:1.
FƏRİD
- Ölkə futbolu2024-05-15 15:38
AFFA 6 kluba lisenziya verdi
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq
- Ölkə futbolu2024-05-15 14:39
Premyer Liqanın ən reytinqli futbolçusu: ilk 6 yer “Qarabağ”ın oldu
- Ölkə futbolu2024-05-14 14:32
“Turan Tovuz”dan gedəcək futbolçuların siyahısı dəqiqləşir