Ölkə futbolu
Şmidt üçün itirilmiş 100 dəqiqə
Avropa Liqasının qrup mərhələsinin 2-ci turu çərçi…
Avropa Liqasının qrup mərhələsinin 2-ci turu çərçivəsində "Qəbələ"nin qonağı olacaq Almaniya "Maynts"ının baş məşqçisi Martin Şmidt mətbuat konfransı keçirib. Futbolinfo.az xəbər verir ki, 49 yaşlı mütəxəssis oyunla bağlı bunları bildirib:
– Bura gəlmək üçün bütün şəhəri gəzdik, 100 dəqiqə vaxtımız getdi. Birbaşa məşqə çıxmaq istəyirik, sabahkı matçı isə səbirsizliklə gözləyirik.
– Əsas məqsədiniz qələbədi, yoxsa qarşıda 4 oyun var, prinsipinə əməl edəcəksiniz?
– AL-də əsas hədəf evdə qələbə, səfərdə mümkün qədər xal toplamaqdı. İlk qarşılaşmada evdə xal itirdiyimizdən sabah qələbə qazanmağa çalışacağıq.
– Meydançanın ot örtüyü elə də yaxşı vəziyyətdə deyil. Bundan ehtiyatlanırsınız?
– Meydançanı hələ görməmişəm. Yağışı yolda gördüm, amma çətin olacaq. Hər iki komanda eyni meydanda oynayacaq. Çalışacağıq ki, bu işin öhdəsindən gələk.
– Rəqibin zəif və güclü cəhətləri nədi?
– "Qəbələ"nin "Anderlext", "Maribor" və çempionatdakı son 2 oyununu izləmişik. Yerli çempionatla avrokubok oyunu arasında fərq çox olur. Təhlillərmizə uyğun çıxış edəcəyik.
– Qrupda əsas rəqib olaraq kimi görürsünüz?
– Məncə, ən güclü "Sent Etyen"di. Qalanları, fikrimcə, eyni səviyyədədi.
– Sabahkı oyunda əsas narahatçılıq törədən amil nədi?
– Gerit Hofmann bir az xəstədi. Amma Niko Bunqert komandaya qayıdıb və oyuna yüz faiz hazırdı.
ELMAR ABDULLA-ZADƏ
- Ölkə futbolu2024-05-08 16:22
PFL-lə “YAŞAT” Fondu arasında anlaşma memorandumu imzalandı
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”
- Ölkə futbolu2024-05-08 15:17
AFFA klublara təhlükəsizlik mövzusunda seminar keçib
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron