Müsahibə
Julien Ebah: "Bəxtimiz də gətirdi"
“Kəpəz”in hücumçusu Julien Ebah AZAL-la oyun…
“Kəpəz”in hücumçusu Julien Ebah AZAL-la oyundan (1:0) sonra jurnalistlərin suallarını cavablandırıb. Futbolinfo.az saytının əməkdaşının da iştirak etdiyi müsahibəni təqdim edirik:
– AZAL üzərində çətin qələbə qazandınız. Görüş barədə nə deyə bilərsən?
– Çox çətin oyun alındı. AZAL zəif komanda deyil. Bu gün 3 xal bizim üçün çox vacib idi. Gəncədə bu komanda ilə oyunda xal itirmişdik. Bugünkü qələbəmiz bir növ revanş idi. Qazanılan 3 xal bizim üçün mühüm əhəmiyyət kəsb edir.
– AZAL necə təsir bağışladı?
– AZAL pis komanda deyil. Oyun sistemləri var. Həmn sistemə uyğun oyun nümayiş etdirirlər, meydanda vuruşurlar. Lakin biz bu gün bir qədər daha yaxşı çıxış etdik.
– “Kəpəz” bu gün 3 xala layiq idi, yoxsa qələbədə müəyyən qədər bəxt amili də rol oynadı?
– Bir qədər bəxtimiz gətirdi deyə bilərik. Çünki yalnız 1 qol vurduq. Halbuki xeyli şansımız var idi. Rəqib isə əks-hücumlardan faydalanmağa çalışırdı. Hesabı daha erkən aça bilərdik. Lakin Serjinyonun zərbəsi dirəyə tuş gəldi. Buna baxmayaraq, sona qədər hücumlarımızı davam etdirdik və sonda istəyimizə çatdıq.
– 3 xal qazansanız da, Dario Federikonu itirdiniz…
– Onu itirmək çox çətindi. Bununla belə, komandamızda yer alan digər futbolçular da növbəti oyunlarda qələbə üçün əllərindən gələni edəcəklər.
– Sənin də ağrıların var idi. Özünü necə hiss edirsən?
– 1 epizodda zərbə aldım. Lakin hər şey qaydasındadır. Hazırda özümü normal hiss edirəm.
– Növbəti turda “Kəpəz”in rəqibi ilk 8 turda uduzmayan 2 komandadan biri olan “İnter”dir. Rəqibin uğurlu seriyasını qırmaq mümkün olacaq?
– “İnter”lə evdə oynayacağıq və mütləq qələbə qazanmalıyıq. Qış fasiləsinə qədər çempionatda 6 görüşümüz qalıb. Əlimizdən gələni edəcəyik ki, həmin matçlarda yaxşı nəticə qazanaq.
ELMAR ABDULLA-ZADƏ
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”
- Digər idman növləri2024-04-26 17:22
Olimpiadanın püşkünün atılacağı gün məlum oldu
- Digər idman növləri2024-04-26 16:00
Finalın nominal meydan sahibi və başlama saatı bəlli oldu
- Milli komanda2024-04-26 17:54
Millimizin təlim-məşq toplanışı olacaq