Ölkə kuboku
İlə son: yarımfinalçılar bəlli olur
Bu gün Azərbaycan kubokunda 1/4 final mərhələsinin cavab oyun…
Bu gün Azərbaycan kubokunda 1/4 final mərhələsinin cavab oyunları keçiriləcək. Bununla da Premyer Liqa təmsilçilərimiz qış fasiləsinə yollanacaqlar. Futbolinfo.az xəbər verir ki, 2016-cı ilin son matçlarından ikisi paytaxtda, biri Sumqayıtda, digəri isə Gəncədə baş tutacaq.
Azərbaycan Kuboku
1/4 final
21 dekabr (çərşənbə)
1/4 final
21 dekabr (çərşənbə)
13:00. “Kəpəz” – “İnter”
Hakimlər: Rəhim Həsənov, Vaqif Musayev, Akif Əmirəli, Vüsal Qənbərov.
Əlavə köməkçi hakimlər: Əliyar Ağayev, Elvin Əsgərov.
AFFA nümayəndəsi: Abas Hüseynov.
Hakim-inspektor: Rövşən Əhmədov.
Gəncə şəhər stadionu.
İlk oyun: 0:2.
Bu kollektivlərin Premyer Liqanın ilk iki dövrəsindəki görüşlərində bərabərlik qeydə alınsa da, “İnter” pley-off xarakterli dueldə potensialından maksimum istifadə etdi və 2 cavabsız qolla qalib gəldi. Lakin Rauf Əliyevlə Nizami Hacıyevin dəqiq zərbələrinin “bankirlər”i yarımfinala daşıması üçün Zaur Svanadzenin komandasının cavab qarşılaşmasında da duruş gətirməsi lazımdır.
Gəncədə baş tutacaq duel Bakıdakından fərqlənəcək. Komandaları buna meydançanın durumu və ilk matçda qeydə alınan hesab sövq edir. “Kəpəz” qapısını toxunulmaz saxlamaq şərti ilə ən azı 2 top fərqi ilə qələbə qazanmağa, “İnter” isə əldə etdiyi üstünlüyü qorumağa çalışacaq.
15:00. “Sumqayıt” – “Qarabağ”
Hakimlər: Rauf Cabbarov, Coşqun Həsənov, Cavanşir Yusifov, Rövşən Rəcəbov.
AFFA nümayəndəsi: Məmmədəli Məmmədov.
Hakim-inspektor: Füzuli Nəcəfov.
Sumqayıt şəhər stadionu.
İlk oyun: 0:6.
Sumqayıtda baş tutacaq oyun barədə uzun-uzadı danışmağa gərək yoxdur. Lakonik olmağımızın səbəbi isə “Qarabağ”dır. Ağdam klubu ilk oyunda 6 cavabsız qolla qalib gəlməklə, “Sumqayıt”ın ümidini dəfn edib.
Riçard Almeyda, Dino Ndlovu, Coşqun Diniyev, Mahir Mədətov (2) və Namiq Ələsgərovun qolları ilə cavab matçını formallığa çevirən Qurban Qurbanovun yarımfinalçı olmamaq ehtimalı yox dərəcəsindədir. Belə hesabla heç möcüzə də gözləmək olmaz.
16:00. AZAL – “Qəbələ”
Hakimlər: Fariz Yusifov, Yaşar Abbasov, Elman Musayev, Mehman Mahmudov.
Əlavə köməkçi hakimlər: Rəvan Həmzəzadə, İnqilab Məmmədov.
AFFA nümayəndəsi: Elbrus Abbasov.
Hakim-inspektor: Əli Hüseynov.
Bakı. “AZAL Arena”.
İlk oyun: 1:2.
AZAL Premyer Liqanın autsayderi, “Qəbələ” çempionluğa namizədi olsa da, Roman Qriqorçukun rəhbərlik etdiyi kollektiv “təyyarəçilər”lə duellərdə çətinlik çəkir. Düzdür, “qırmızı-qaralar” ilk dövrədə 3 cavabsız qolla qalib gəliblər. Lakin unutmayaq ki, bu komandaların II dövrədəki qarşılaşmasında heç-heçə qeydə alınıb (0:0).
Elə kubokun ilk matçında da paytaxt təmsilçisi rəqibinə xoşagəlməz anlar yaşatdı. Qəbələdə keçirilən görüşdə Mirzağa Hüseynpurun qolu ilə önə keçən AZAL yekun nəticədə uduzsa da, cavab matçı üçün heç də pis sayılacaq hesabla evə dönmədi. Filip Ozobiç və Ruslan Qurbanovun qolları ilə qalib gələn əyalət komandası Şüvəlanda qol vurmadan udusa, mübarizəni dayandıracaq.
17:00. “Neftçi” – “Zirə”
Hakimlər: Ramil Diniyev, Azər Əsgərov, İsgəndər Əliyev, Ziya Nəsirov.
AFFA nümayəndəsi: Ramiz Mustafayev.
Hakim-inspektor: Asim Xudiyev.
Bakı. “Bakcell Arena”.
İlk oyun: 3:0.
Ölkənin ən qocaman klubu ilə Premyer Liqanın ən cavan komandasının dueli formal xarakter daşımasa da, “Neftçi” böyük ölçüdə tapşırığın öhdəsindən gəlib. Hər halda, ilk matçda Jonas Pesallinin het-triki ilə qalib gələn “ağ-qaralar” belə bir üstünlüyü əldən verməzlər. Düzdür, Elxan Abdullayevin rəhbərlik etdiyi kollektiv Premyer Liqanın son turunda AZAL-a uduzmaqla, cari çempionatda “təyyarəçilər”ə ilk qələbə sevinci daddırdılar. Lakin unutmayaq ki, kubok görüşləri fərqlidir. Ötən mövsüm finalda “Qarabağ”a uduzan “Neftçi” yenə ən azı həlledici oyuna vəsiqə qazana bilər.
FƏRİD
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək