Ölkə futbolu
“Neftçi”də şok oğurluq!
Biabırçılıqdı. Bəzi insanlar hələ də dünya gö…
Biabırçılıqdı. Bəzi insanlar hələ də dünya görüşü, ağlı, savadı ilə təəccübləndirir. Bunları rəhbər postlara hansı təhsilin, hansı ağlın sayəsində təyin edirlər?
***
“Neftçi”nin yeni transferlərinin açıqlandığı fotoda bir məqam diqqətimi çəkdi. 80 yaşlı klubun kubok vitrini bu qədər kasad olmamalıydı. Müstəqillik dönəmində qazanılan 8 çempionluq, 6 ölkə kuboku, 2 superkubok, 1 “Birlik kuboku”, 1 “CBC kuboku” – bütün bunlar 18 kubok deməkdi. Georgi Navalovskinin fotosunda isə cəmi 10 belə kubok var.
Digər mükafatlar öz yerində, ola bilər, müstəqilliyin ilk illərindəki bəzi kuboklar it-bata düşüb və ya elə kuboklar var ki, onlar vitrinə layiq bilinməyib. Amma 8 çempionluq və 6 ölkə kuboku mütləq bir yerdə olmalıdı axı.
Kuboklara daha diqqətlə baxdıq, ardınca kiçik araşdırma apardıq və bəlli oldu ki… 3 çempionluq və 2 ölkə kuboku titullar arasında yoxdu. Bəs, onlar niyə yoxdu? Yaddanmı çıxıb, oğurlanıbmı?
Bəli, məhz oğurlanıb! Özü də klubun son prezidenti Sadıq Sadıqov tərəfindən. Bunu sübut etmək üçün əlavə araşdırmaya da ehtiyac duymadıq, sadəcə, yenə internet qaynaqlarından yararlanıb faktı aşkar etdik.
Flavinyonun “Neftçi”dən ayrıldığı vaxtı xatırlayarsız. Braziliyalı ölkəmizdən ayrılmamış Sadıq Sadıqova baş çəkmiş, indi başqa ofisdə əyləşən, başqa işi olan sabiq prezidentlə vidalaşmışdı. Məhz həmin ofisdə çəkilən vida fotosunda “Neftçi”nin muzeyini bəzəməli olan kuboklar göz oxşayır.
Sən demə, “Neftçi”yə 3 milyon dollarlıq borc miras qoyan, Emil Mpenza kimi problemli transfer calaq edən Sadıq bəy paytaxt klubundan ayrılarkən prezidentliyi dövründə qazanılan bütün kubokları da özü ilə aparıb. Yeni gələn Müşahidə Şurası bunu açıb-ağartmayıb, başqa kimsənin də ağlına gəlməyib.
***
Bu, rəsmən oğurluqdu. Klubun tarixini öz ofisinə həbs edən Sadıq Sadıqov sanki prezidentliyi dövründə şəxsi kolleksiyasını zənginləşdirmək üçün çalışırmış.
CAVAD
P.S.: Mənə Sadıqovun bu hərəkətinə gətirəcəyi aydınlıq çox maraqlıdı.
P.S.: “Neftçi”nin indiki rəhbərliyinin bu faktı gizlətməsi ondan da maraqlıdı.
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”
- Digər idman növləri2024-04-26 16:00
Finalın nominal meydan sahibi və başlama saatı bəlli oldu
- Digər idman növləri2024-04-26 17:22
Olimpiadanın püşkünün atılacağı gün məlum oldu
- Milli komanda2024-04-26 17:54
Millimizin təlim-məşq toplanışı olacaq