Ölkə futbolu
Daha bir xəbərimiz təsdiqləndi: “Zirə”də Adil Şükürov erası bitdi
“Zirə”nin baş məşqçisi Adil Şükürov …
“Zirə”nin baş məşqçisi Adil Şükürov istefaya göndərilib. Futbolinfo.az xəbər verir ki, bu barədə klubun rəsmi internet saytı xəbər yayıb.
Mövsümün sonunadək komandanı əvəzedicilərin baş məşqçisi Ayxan Abbasov əvəzləyəcək: “Zirə” PFK rəhbərliyi və baş məşqçi Adil Şükürovun iştirakı ilə klubdaxili iclas keçirilib. Müzakirələr nəticəsində Premyer Liqanın ilk iki dövrəsi və Azərbaycan Kuboku uğrunda yarışda qeydə alınan nəticələr nəzərə alınaraq, komandada məşqçi dəyişikliyinin olması haqda qərar qəbul edilib. Qarşılıqlı razılaşma əsasında Adil Şükürov baş məşqçi vəzifəsindən ayrılıb. Premyer Liqada hazırki gərgin vəziyyət nəzərə alınaraq, bu vəzifə mövsümün sonuna qədər komandanı yaxından tanıyan, klub strategiyasına bələd olan Ayxan Abbasova həvalə olunub. Ötən mövsüm əsas komandada məşqçi olan Ayxan Abbasov cari mövsümün əvvəlindən əvəzedici komandamızın baş məşqçisi vəzifəsində çalışıb. Klub rəhbərliyi mövsümün sonunda əldə olunacaq nəticələrə əsasən, baş məşqçi məsələsinə yenidən baxacaq. Adil Şükürov bundan sonra da klubumuzda fəaliyyətini davam etdirəcək. Onun komandamızın həm formalaşmasında, həm də Premyer Liqada ilk mövsümdəcə gümüş medalları qazanmasında böyük əməyi keçib. Klub rəhbərliyi bu dəyişiklikdən sonra da Adil Şükürovun xidmətindən yararlanmaq niyyətindədir. Belə ki, mütəxəssis bundan sonra Akademiyanın koordinatoru vəzifəsində çalışacaq”.
Qeyd edək ki, Şükürovun istefaya göndəriləcəyini və onu Ayxan Abbasovun əvəzləyəcəyi barədə məlumatı ilk olaraq, futbolinfo.az uzun müddət öncə xəbər vermişdi.
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”
- Digər idman növləri2024-04-26 17:22
Olimpiadanın püşkünün atılacağı gün məlum oldu
- Digər idman növləri2024-04-26 16:00
Finalın nominal meydan sahibi və başlama saatı bəlli oldu
- Milli komanda2024-04-26 17:54
Millimizin təlim-məşq toplanışı olacaq