Ölkə futbolu
UEFA-nın baş katibi Bakıda
UEFA-nın baş katibi Teodoris Teodorisi Azərbaycana gəlib. Futbolin…
UEFA-nın baş katibi Teodoris Teodorisi Azərbaycana gəlib. Futbolinfo.az "Sport24"-ə istinadla xəbər verir ki, yunan qonaq Bakıda işgüzar səfərdədi.
Teodorisi AFFA-nın olan həmkarı Elxan Məmmədovla birgə bu gün MFL-nin keçirdiyi tədbirdə olub. O, Fransanın əfsanəvi futbol fristayleri Sean Qarnyerinin komandasının “Sportster” idman meydançasında Mini Futbol Liqasının ən güclülərindən ibarət “MFL All Stars” yığması ilə qarşılaşmasını izləyib.
Qitə futbol qurumunun əsas rəhbər şəxslərindən birinin Bakıya səfərinin məqsədini öyrənmək üçün AFFA-nın Mətbuat və İctimaiyyətlə Əlaqələr Departamentinin rəhbəri Mikayıl Nərimanoğlu ilə əlaqə saxladıq. O, bunu sabah açıqlayacaqlarını bildirib. Teodorisinin Azərbaycan milli komandasının 2018-ci il dünya çempionatının seçmə mərhələsində Şimali İrlandiya yığması ilə iyunun 10-da saat 20:00-da Tofiq Bəhramov adına Respublika stadionunda keçiriləcək oyununu da seyr edəcəyi gözləmək olar.
Xatırladaq. UEFA-nın baş katibi ötən il Bakıda 2 müxtəlif vaxtda səfərdə olub. O, öncə AFFA-nın Hesabat-Seçki Konfransında iştirak edib, daha sonra UEFA-nın yeni prezidenti Aleksander Çeferini AFFA rəhbərliyi ilə görüşmək məqsədilə etdiyi ölkəmizə səfər zamanı müşayiət edib.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək