Avropa Liqasında pley-off mərhələsinin püşkü atıldı

Bu gün Avropa Liqasında pley-off mərhələsinin püşkü atılıb. 

Futbolinfo.az xəbər verir ki, Avroliqanın qrup mərhələsinə vəsiqə uğrunda 44 kollektiv mübarizə aparacaq. 

Onlardan 15-i UEFA Çempionlar Liqasının 3-cü təsnifat mərhələsinin uğursuzları, 22-si isə Avroliqanın 3-cü təsnifat mərhələsinin 29 qalibidi. Bu kollektivlər pley-off mərhələsinin püşkatmasında 22 cüt təşkil ediblər.

Türkiyə təmsilçisi "Fənərbaxça" Makedoniya "Vardar"ı ilə mübarizə aparacaq. 

Azərbaycan yığmasının müdafiəçisi Pavel Paşayevin şərəfini qoruduğu Ukrayna "Aleksandriya"sı Belarus BATE-sini mübarizədən kənarlaşdırmağa çalışacaq.

"Qəbələ"ni pley-offa buraxmayan Yunanıstan "Panatinaikos"u İspaniyanın "Atletik" klubuna rəqib olub.

Qeyd edək ki, pley-offun ilk oyunları avqustun 17-də, cavab matçları 24-də keçiriləcək.
 
Avropa Liqası
Pley-off mərhələsi

“Şkendiya” (Makedoniya) – “Milan” (İtaliya)
“Srvena Zvezda” (Serbiya) – “Krasnodar” (Rusiya)
“Everton” (İngiltərə) – “Hayduk” (Xorvatiya)
“Maritimo” (Portuqaliya) – "Dinamo" (Kiyev, Ukrayna)
"Vardar" (Makedoniya) – “Fənərbaxça” (Türkiyə)
"Domjale” (Sloveniya) – “Olimpik” (Marsel, Fransa)
"Ayaks" (Hollandiya) – "Rusenborq" (Norveç)
“Utrext” (Hollandiya) – “Zenit” (Rusiya)
"Legiya" (Polşa) – "Şerif" (Moldova)
BATE (Belarus) – “Aleksandriya” (Ukrayna)
PAOK (Yunanıstan) – “Ostersun” (İsveç)
"Viktoriya" (Çexiya) – AEK (Kipr)
"Apollon” (Kipr) – "Midtyulland” (Danimarka)
"Brügge" (Belçika) – AEK (Yunanıstan)
“Osiyek” (Xorvatiya) – “Austriya” (Avstriya)
“Panatinaikos" (Yunanıstan) – “Atletik” (İspaniya)
"Hafnarfyordur" (İslandiya) – “Braqa” (Portuqaliya)
"Altax” (Avstriya) – “Makkabi” (Təl-Əviv, İsrail)
“Dinamo” (Zaqreb, Xorvatiya) – “Skenderbeu” (Albaniya)
"Ludoqorets" (Bolqarıstan) – “Suduva” (Litva)
“Partizan” (Serbiya) – "Videoton” (Macarıstan)
"Viitorul" (Rumıniya) – "Zalsburq" (Avstriya)