Ölkə futbolu
AFFA İcraiyyə Komitəsi yığışmağı lazım bilmədi
AFFA İcraiyyə Komitəsi Topaz Premyer Liqasının yeni mövs&uum…
AFFA İcraiyyə Komitəsi Topaz Premyer Liqasının yeni mövsümünün startına kimi toplaşmayacaq. Bu barədə futbolinfo.az saytına futbol qurumunun mətbuat xidmətindən bildiriblər.
Qurumun əməkdaşı Firuz Abdullanın sözlərinə görə ümumiyyətlə, avqustda komitənin bir araya gəlməsi gündəmdə deyil. Çox güman ki, İK sentyabrda toplaşacaq.
İK-nın bir çox məsələlərə görə, o cümlədən Premyer Liqada yaş limitini təsdiqləmək üçün bir araya gəlməsi gözlənilirdi. Bildiyiniz kimi, elita klublarının start heyətində bir gənc futbolçunun oynaması haqda şərt var. Və mövsümlər dəyişdikcə bu şərtə uyğun gələn futbolçuların təvəllüdlərində də dəyişiklik olmalı və bu, İK-da təsdiqini tapmalıdı. Amma AFFA rəsmiləri hesab edir ki, yalnız yaş limitinin təsdiqinə görə komitənin yığışması düzgün deyil, həmin qayda avtomatik yenilənir.
Əslində, məntiq var. Ancaq iş ondadı ki, bu məsələ İK-nın qərarında “21 yaşadək futbolçu” kimi qeyd olunmayıb, konkret təvəllüd yazılıb. Ona görə də təvəllüdün avtomatik yenilənməsi doğru deyil, amma konkret 21 yaşadək futbolçu limiti olsaydı, hər hansı qərara ehtiyac duyulmazdı.
Başqa bir qaranlıq məqam isə bu mövsüm həmin limitə 1996-cı ildə və daha sonra doğulan uşaqların düşməsidi. Ötən mövsüm bu hədd 1994 idi. Deməli, “avtomatik yenilənmə” yoxdu, ortada 95-ci il təvəllüdlülərin haqqı yeyilib. Milli komandamız İslam Oyunlarında iştirak edəcəyi üçün ötən mövsüm yaş həddinə əl gəzdirilməmiş, 23 yaşadək olanlara da oynamaq imkanı yaradılmışdı. Amma indi birdən-birə 2 il irəli atılmaq 1995-ci ildə doğulanların haqqının tapdanması deməkdi. Bu, bir nəsil futbolçuların əziyyət çəkməsidi.
Aşağı yaş qrupları elədi ki, burada 1 ilin də kifayət qədər önəmi var. Və məşqçilər də heç vaxt 94 doğumluları qoyub 95-lərə güvənəsi deyildi. İndi isə 96-lar limitdən faydalanacaq, deməli, yenə zərbə onlardan 1 yaş böyük olanlara dəyəcək.
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”
- Digər idman növləri2024-04-26 17:22
Olimpiadanın püşkünün atılacağı gün məlum oldu
- Digər idman növləri2024-04-26 16:00
Finalın nominal meydan sahibi və başlama saatı bəlli oldu
- Milli komanda2024-04-26 17:54
Millimizin təlim-məşq toplanışı olacaq