“Qarabağ”ın rəqibi 3 xalı 2 qolla qazandı

Futbol üzrə İngiltərə çempionatında 5-ci turun oyunları keçirilib.

Futbolinfo.az xəbər verir ki, Avropa Liqasının qrup mərhələsində Azərbaycan çempionu “Qarabağ”ın rəqiblərindən olan “Arsenal” da növbəti matçına çıxıb. 

Sözügedən klub səfərdə “Nyukasl” ilə qarşılaşıb. “Qarabağ”ın rəqibi bu görüşdən qalib ayrılıb – 2:1.

Qarşılaşmada hesabı 49-cu dəqiqədə Qranit Cakanın qolu ilə “Arsenal” açıb. 58-də Məsut Özil “topçular”ın üstünlüyünü bir qədər də artırıb. Qonaqlar yalnız son saniyələrdə qol buraxsalar da, 3 xal qazanmağı bacarıblar.

“Arsenal” 5 oyundan sonra 9 xalla 20 iştirakçı arasında 7-ci pillədə qərarlaşıb.

“Qarabağ” “Sportinq”ə qarşı ilk oyununu oktyabrın 4-də Bakıda, cavab görüşünü isə dekabrın 13-də səfərdə keçirəcək.