Ölkə futbolu
Klublarımızın legioner seçimi: 10+7
Transfer bazarında hərəkətlilik davam edir. Klublarımız yeni m&o…
Transfer bazarında hərəkətlilik davam edir. Klublarımız yeni mövsümün hazırlığı çərçivəsində oyunçu keçidlərini rəsmiləşdirir, heyəti komplektləşdirir.
Yerli futbolçu baxımından ciddi sıxıntı çəkən təmsilçilərimiz mümkün variantları ən yaxşı şəkildə dəyərləndirir. Bu baxımdan “Qəbələ”ni bölüşdürən “Sabah” və “Zirə”nin bir addım öndə olduğunu deyə bilərik.
Əcnəbi seçimində isə durum fərqlidi. Avrokuboklarda iştirak edəcək komandalarımızın tamamlama işləri ilə məşğul olduğu bir zamanda digərləri xaricə toplanışa yollanacaqları vaxtı gözləyir. Yalnız bir neçə legionerin transferi yekunlaşıb, əsas seçimlər Türkiyədə olacaq.
Ümumiyyətlə, əcnəbilərə yer olmayan “Sumqayıt” istisna, 7 klubumuz bu yay indiyədək 17 əcnəbi ilə rəsmən anlaşıb. Onlardan 7-si əvvəllər hansısa klublarımızda oynamışlardısa, 10-u ilk dəfə Azərbaycan azarkeşləri önünə çıxacaq.
“Qarabağ” bir yeni oyunçu gətiribsə, digər transferi fanatlara tanışdı. Belə ki, birvaxtlar “Neftçi”də oynamış oyunçu indi ağdamlıların formasını tərlədəcək. “Səbail”də bu nisbət 2-nin 2-yədisə, “Sabah” 2 yeni futbolçuya ötən mövsümdən tanıdığımız birini əlavə edib.
“Neftçi” hamıdan seçilir. Bu komandada hansısa yeni legioner görməyib. Əvəzində bakılılar tanış olan 3 əcnəbi ilə güclənib. “Qəbələ” isə tam tərs siyasət yürüdür. “Qırmızı qaralar” keçmiş oyunçularını müxtəlif paytaxt klublarına paylayıb, əvəzində 3 yeni legioner gətirib. “Zirə”ylə “Keşlə”də bu say hələlik vahidə bərabərdi.
Kimin doğru, kimin səhv addım atdığını deyə bilmərik, bunu zaman göstərəcək. Reallıq isə odur ki, daha əvvəlki kimi vaqonla əcnəbi gətirənlər yoxdu, klublar seçimlərini xüsusi titizliklə edir. Bununla belə, keçmişə qayıdış da inkişafın göstəricisi sayıla bilməz, yaxşı seleksiya işi ilə yaxşı nəticələr əldə etmək mümkündü. Bunu illərdi “Qəbələ” sübut edir.
Klublarda yeni transfer edilən əcnəbilər (yenilər – tanışlar)
Qarabağ: 1 – 1
Xayme Romero ("Kordoba", İspaniya) – Aylton Silva ("Ştutqart", Almaniya, icarə)
Neftçi: 0 – 3
Voyislav Stankoviç ("Qəbələ"), Dario Federiko ("Daequ", Cənubi Koreya), Stiven Monroz ("Qəbələ")
Qəbələ: 3 – 0
Fernan Lopes ("Barakaldo", İspaniya), Merab Qiqauri ("Torpedo" Kutaisi, Gürcüstan), Kristian Kouakou ("Karvina", Çexiya)
Səbail: 2 – 2
Daniel Bojinovski ("Rabotniçki", Şimali Makedoniya), Eriko Konstantino da Silva ("Astra", Rumıniya) – Dilan Duventru ("Zirə"), Bilal Həmdi ("Zirə")
Zirə: 1 – 0
Boyan Zaqoviç ("Baçka", Serbiya)
Sabah: 2 – 1
Amadu Diallo ("Red Star", Fransa), Hendrik Eksteyn ("Kayzer Çifs", CAR) – Kevin Kubemba ("Səbail")
Keşlə: 1 – 0
Franko Flores ("Alki Oroklini", Kipr)
FƏRİD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-05 20:57
“Sabah”dan növbəti qələbə
- Digər idman növləri2024-05-05 16:22
“Bakı Marafonu 2024” qalibləri müəyyənləşdi
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO