Ölkə futbolu
PFL “Topaz”ı “1xBet”lə əvəzləyir
Azərbaycan Premyer Liqasının yeni sponsoru da bukmeker şirkəti ol…
Azərbaycan Premyer Liqasının yeni sponsoru da bukmeker şirkəti ola bilər. “Topaz”la əməkdaşlığın dayanmasından sonra Peşəkar Futbol Liqası yeni tərəfdaşını da eyni sahədən seçir.
Futbolinfo.az xəbər verir ki, “1xBet”lə danışıqlar aparılır və bu şirkət daha yaxşı şərtlər irəli sürür. Lakin bir sıra hüquqi məsələlər yoluna qoyulmalıdı. Bu səbəbdən müqavilənin rəsmiləşməsi yubanır. 7 il PFL-lə əməkdaşlıq etmiş “Topaz” ölkədə mərc oyunlarının yeganə rəsmi təşkilatçısı olduğundan bəzi çətinliklər yaranıb.
Ancaq futbola yatırım etməkdən boyun qaçırdıqdan sonra “Topaz”a münasibət əvvəlki kimi olmayacaq. Bu şirkətin monopoliyasına müəyyən layihələrə yatırım etdiyi üçün icazə verilirdi. İndi isə qazandığından xərcləmək istəməyən “Topaz”a fərqli davranılacağı gözlənilir. Daha sərfəli şərtlərlə mərcsevərləri ətrafına toplayan və Azərbaycan bazarına nüfuz etməyə çalışan “1xBet” də buna çalışır. Yaxınlarda “Liverpul, “Çelsi” kimi dünya nəhəngləri ilə əməkdaşlığa başlayan şirkət Azərbaycana da biganə deyil.
Danışıqların necə yekunlaşacağına tezliklə aydınlıq gələcək. Çünki avqustun 16-da yeni mövsüm start götürməlidi. Həmin vaxta kimi isə Premyer Liqanın sponsoru müəyyənləşməlidi.
PFL-in məhz "1xBet"i seçməsi heç də şaiyə deyil. Qurumun prezidenti Ramin Musayev də bügünü mətbuat konfransında xarici bukmeker şirkəti ilə danışıq apardıqlarını dilə gətirdi.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub