“Sabah” Patrik Orfe Mbinanın transfer hüquqlarına yiyələnib. Bu barədə Masazır təmsilçisindən məlumat verilib.
25 yaşlı hücumçunun icarəsi ilə bağlı Sloveniyanın “Maribor” klubu ilə bağlanmış müqavilədə nəzərdə tutulan transfer bəndi qüvvəyə minib. Qabonlu oyunçu ilə 3 illik müqavilə imzalanıb.
Mbina bu ilin fevralından “Sabah”ın uğurları üçün çalışır. O, komandanın heyətində 11 oyun keçirib, 3 qol vurub və 1 məhsuldar ötürmə edib.
