Dünya çempionatlarında heç vaxt iştirak etməyən milli komandaların adları açıqlanıb.
Futbolinfo.az xəbər verir ki, siyahıda FIFA-ya üzvü olan ümumilikdə 127 komanda yer alır ki, onlar arasında Azərbaycan yığması da var.
Araşdırmaya görə, ölkələri mundialdan kənarda ən çox qalan qitə Afrikadır. Bu qitənin 36 ölkəsi dünya çempionatı iştiraçısı olmayıb. Asiya bu baxımdan ikincidir – 33 ölkə. Azərbaycan millisinin də mübarizə apardığı Avropadan 21 ölkə mundial həyəcanı yaşamayıb. Qazaxıstan, Ermənistan, Gürcüstan, Belarus, Estoniya, Latviya, Litva, Moldova, Kipr, Lüksemburq, Malta kimi ölkələr bu siyahıya aiddir.
Maraqlıdır ki, Cənubi Amerikadan (CONMEBOL) yalnız bir komanda – Venesuela indiyə qədər dünya çempionatlarında mübarizə aparmayıb.
