1998-ci ildə Fransa millisinin heyətində dünya çempionu olan Kristof Düqarri “Atletiko”nun hücumçusu Xulian Alvaresin klubdakı vəziyyəti ilə bağlı sərt fikirlər səsləndirib.
2026-cı il dünya çempionatı zamanı ayrılmaq istədiyini açıq şəkildə bildirən argentinalı futbolçu La Liqanın 2-ci turunda “Vilyarreal”la 2:2 hesablı heç-heçə zamanı Madrid klubunun azarkeşləri tərəfindən fitə basılıb. Düqarri Alvaresin klubdan ayrılmaq istəyini ictimai şəkildə açıqlamasını düzgün addım hesab etməyib: “Oyunçu və onun nümayəndələri axmaqdır. O necə deyə bilər ki, klubdan ayrılmaq istəyir? Tamamilə ağlını itirib?”
Fransa millisinin sabiq futbolçusu futbolçunun belə məsələlərdə daha təmkinli davranmalı olduğunu vurğulayıb: “Susun, təvazökar olun və ağıllı danışın. Qrizmannla baş verənləri görmədiniz? Azarkeşlərinizi tanımırsınız?”
Düqarri hesab edir ki, ayrılmaq istəyən futbolçuya klubdan getməyə icazə verilməlidir, lakin tərəflər arasında qarşılıqlı hörmət qorunmalıdır: “Razılığa gəlmək istəyirsinizsə, ilk növbədə azarkeşlərinizə və klubunuza hörmətsizlik etməlisiniz. Beləliklə, tamamilə yanlış davranırsınız və bunun ağır cəzasını çəkəcəksiniz”.