Portuqaliyanın "Boavişta" klubu yeni mövsümə hazırlıq çərçivəsində daha bir yoxlama oyunu keçirib. Futbolinfo.az xəbər verir ki, Azərbaycan yığmasının yarımmüdafiəçisi Emin Mahmudovun da heyətində yer aldığı sözügedən kollektiv bu ölkənin aşağı liqa təmsilçilərindən "Eşpinyo" ilə qarşılaşıb.
Beş qolun vurulduğu qarşılaşma futbolçumuzun komandasının inamlı qələbəsi ilə yekunlaşıb – 4:1.
Mahmudov da bu görüşün iştirakçısı olub. O, sonradan meydana çıxmasına baxmayaraq, "Boavişta"nın qələbəsində də pay sahibi olub. Emin 76-cı dəqiqədə komandasının sonuncu qoluna imza atıb.