Müsahibə
“Azərbaycan yığması bu komandalarla oynamağa hazır deyil”
“Qəbələ”nin qapıçısı Anar Nəzirovun futbolinfo.az saytına müsahibəsi
- Millinin heyəti açıqlandı və çox müzakirə mövzusu yaratdı, xüsusən də qapıçıların 2-nin milliləşdirilmiş olması etirazla qarşılandı. Sənin Canni De Byazinin seçimləri və qapıçılar barədə fikrin necədir?
- Bu məsələyə peşəkar yanaşmaq lazımdır. Yığmada oynayan hər kəs Azərbaycan pasportuna sahibdir. Baş məşqçinin də seçimləri var. Öz sxeminə, oyun üslubuna uyğun olaraq heyət qurur. Durub demək ki, bu doğrudur, bu doğru deyil, mənə yaraşan cavab olmaz. Özüm haqqında deyirəm. Çağırsalar, canla-başla oynayardıq. Milli komandaya sadəcə uğurlar arzulamaq lazımdır. Hər şeyə baş məşqçi cavabdehdir, nəticələrə də o cavab verəcək.
- De Byazidən dəvət gözləyirdin?
- Yox, gözləmirdim.
- Futbolçu heyəti də çox müzakirə ediliir…
- Bilirsiz, bayaq dediyim kimi seçim baş məşqçinindir. O düzdür ki, mənim də düşündüyüm oyunçular var idi, hansı ki, yığma komandada oynayacaqlarını gözləyirdim, amma dəvət almadılar. Hər kəsin bu barədə fərqli fikirləri var. Lakin nəticələrə məşqçi cavabdehdir və o da heyət qurur.
- Qrupda Portuqaliya və Serbiya kimi heyətində dünya ulduzları olan komandalara qarşı oynayacağıq. Hansı nəticələri gözləyirsən?
- Bizim üçün bütün rəqiblər çətindir. Qaldı ki, Portuqaliya və Serbiyaya qarşı çox ağır olacaq. Futbolçulara uğurlar arzu edirəm. Əllərindən gələni etməlidirlər. Konkret olaraq desək, bu gün Azərbaycan yığması bu komandalarla oynamağa hazır deyil.
- Heç kim bu matçlardan millinin xal alacağını gözləmir…
- Futbolda “olmaz” deyə bir şey yoxdur. Portuqaliya yığmasının heyətindəki oyunçular dünyanın ən yaxşı liqalarında oynayır və formada olan komandadır. Hər kəs onları tanıyır və oyunlarına bələddir. Ağır qarşılaşmalar olacaq, lakin hər cür nəticə mümkündür. Azərbaycan yığmasının belə rəqiblərə qarşı o qədər yaxşı oyunları olub ki…
- “Qəbələ” son iki oyunda evdə qalib gələ bilmir. Bunun səbəbi nədir?
- Futbolu izləyən hamı görür ki, “Qəbələ” baxımlı futbol oynayır. Matçlarımıza baxan hər kəs istirahət edir. “Zirə” ilə matçda 90+4-də qol buraxdıq, “Səbail”lə matçda kifayət qədər qol şanslarını boşa verdik. İstəyir avrokuboklara düşək, istəyir düşməyək, sona qədər mübarizə aparırıq. Hamımız öz oyunumuzu oynayacağıq.
- Baxımlı oyun avrokuboklara getmək üçün sizdə ümid yaradıb?
- Bu oyun bizə inam verir.
CAVAD
- Milli komanda2024-05-08 12:17
Millimizin gələcək baş məşqçisi Bakıya gəlir
- Ölkə futbolu2024-05-08 09:27
Georgiyevski “Neftçi”nin nəticələrini qəbulolunmaz sayır: “Qarabağ” nə qədər güclü olsa da…”
- Ölkə futbolu2024-05-08 16:22
PFL-lə “YAŞAT” Fondu arasında anlaşma memorandumu imzalandı
- Dünya futbolu2024-05-08 12:02
“Sabah kimsə necə qalib gəldiyimizi xatırlamayacaq”