Digər idman növləri
Ferstappen zəng gözləyir
Maks Ferstappen “Ferrari” prezidenti Con Elkannın ona zəng vurmasını istədiyini bildirib. Lakin pilot bunu mümkün əməkdaşlıq perspektivlərini müzakirə etmək üçün yox, tamamilə başqa səbəblərlə əlaqələndirir.
Üçqat dünya çempionunun “Red Bull” ilə 2028-ci ilin sonuna qədər uzunmüddətli müqaviləsi var, ona görə də Ferstappenin yaxın beş ildə komandasını dəyişəcəyi inandırıcı görünmür. Təbii ki, Formula 1-də hər şey ola bilər. Üstəlik, Maksın “Ferrari”yə keçidi bu idman növünün strateji maraqlarına uyğun olardı. Belə olan halda hadisə geniş rezonans doğurmaqla Formula 1-in populyarlığını artırmağa şərait yaradardı.
Maks “Gazzetta dello Sport”a verdiyi müsahibədə bu istəyini etiraf edib: “Mən şəxsi kolleksiyamda çempionluğu qazandığım üç avtomobilin, bir də Mixael Şumaxerin sürdüyü “Ferrari F2004”ün olmasını istərdim. Bu inanılmaz maşındır, amma onu haradan alacağımı bilmirəm.
Bəli, bunu Con Elkanna müraciət hesab etmək olar. Ümid edirəm ki, o bu müsahibəni oxuyub mənə zəng edər”.
Avropa mətbuatı, Ferstappenin bu sözlərini şərh edərək başqa məqamlar axtarır. Məlum olduğu kimi, bütün böyük çempionlar “Skuderiya”da yarışmağa can atır, lakin hamıya bu qismət olmur.
Əfsanəvi Ayrton Senna heç vaxt Maranello komandasının qırmızı formasını geyinməyib, lakin o, “Ferrari” ilə danışıqlar aparıb və bu, tarixi faktdır. Lyuis Həmilton “Mersedes”dən ayrılmaq fikrində deyil, lakin bu yaxınlarda Con Elkann ilə nahar etdiyini etiraf edib. Həmin nahar zamanı nələrin danışıldığı heç kimə məlum deyil.
Maksa gəlincə, onun artıq bir neçə “Ferrari” idman avtomobili var. Onların sırasında 50-ci illərdə dizayn edilmiş, qiyməti 1,58 milyon avrodan başlayan nadir “Monza SP2”ni və “SF90 Stradale”ni yer alır.
- Ölkə futbolu2024-04-26 08:00
Juninyo – Avropanın ən yaxşı braziliyalısı
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”