Müsahibə
“İstəyimiz mövsümü daha üst pillələrdə başa vurmaqdır”
“Sumqayıt”ın futbolçusu Tellur Mütəllimovun futbolinfo.az saytına müsahibəsi
- Premyer Liqanın son turunda “Sumqayıt” çətin “Neftçi” səfərindən qələbə ilə ayrıldı. Matçla bağlı təəssüratın necədi?
- Qarşılaşmanın çox ağır keçəcəyini bilirdik. Çempionatın liderinə qarşı mübarizə aparmaq həqiqətən çətin olur. “Neftçi”nin gücü hərkəsə bəlllidir. Buna baxmayaraq, rəqibi yaxşı analiz etmişdik. Baş məşqçimizin tapşırıqlarını tam olaraq yerinə yetirdik və inamlı qələbə qazandıq. Qazandığımız üç xal bizim üçün çox vacib idi. Bu qələbədə bütün kollektiv olaraq hər kəsin payı böyükdür. Düşünürəm ki, “Neftçi” kimi komandanı məğlub etmək bizə bir qədər də inam gətirəcək.
- “Sumqayıt” bu qələbə ilə 4-cü pillədəki mövqeyini bir qədər möhkəmlətdi və üçüncü pilləyə daha da yaxınlaşdı. Hədəf olaraq hansı pilləni qarşınıza məqsəd qoymusunuz?
- Qələbə qazanmaq hər zaman yaxşı hisdir. Amma bu qələbə ilə arxayınlaşmaq olmaz. Bunu unudub növbəti oyunları düşünməliyik. Çempionatda son mərhələyə qədəm qoyuruq. Olduqca maraqlı mübarizəyə şahidlik edirik. Premyer Liqada mübarizə aparan bütün komandaların mükafatçılar sırasına düşməsinə şansı var. Hər tur bütün komandalar oyunlara final görüşləri kimi çıxır. 4-cü dövrə həddindən artıq maraqlı mübarizə şəraitində keçəcək. Biz də “Sumqayıt” olaraq mövsümün əvvəlindən var qüvvəmizlə çalışırıq. İstəyimiz mövsümü daha üst pillələrdə başa vurmaqdır. İnşallah, çempionatın sonunda istədiyimiz nəticəni qazanarıq.
- “Neftçi” ilə qarşılaşmanın ardından “Sumqayıt”ın rəqibi son illərin çempionu “Qarabağ” olacaq. Ardıcıl iki həftə çempionluğa oynayan rəqiblərlə qarşılaşmaq işinizi daha da ağırlaşdırır? “Qarabağ”ı necə, səfərdə məğlub etmək mümkündü sizin üçün?
- “Neftçi”dən sonra rəqibimiz dediyiniz kimi “Qarabağ”dır. Ağdam təmsilçisi uzun illərdir ölkə çempionudur. Artıq neçə ildir ki, “Qarabağ” ölkəmizi həm də avrokuboklarda layiqincə təmsil edir. Aprel ayı ərzində bizi sıx qarfiq gözlədiyindən daha da ehtiyatlı olmalıyıq. “Qarabağ”ın gücü haqqında isə əlavə şərhə ehtiyac yoxdur. Olduqca güclü kollektivə qarşı çıxış edəcəyik. Bizi həftəsonu çox ağır bir qarşılaşma gözləyir.
AĞA
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”