Layihə
Kikboksinqin “Kolizey”i
Kikboksinq Azərbaycanda sevilən idman növlərindəndir. Yeniyetmə və gənclər arasında populyar olan bu idman növü ilə məşğul olanların sayı olduqca çoxdur. Bu da ilk növbədə kikboksinqin özünümüdafiə sənəti hesab edilməsi ilə əlaqədardır.
Ölkəmizdə bu sahədə çoxlu klub fəaliyyət göstərir. Artıq 21 ildir Mingəçevir şəhərində fəaliyyət göstərən “Kolizey” kikboksinq klubu da ölkəmizdə sayılıb-seçilən klublardan biridir. Burada 100-ə yaxın uşaq, yeniyetmə və gənc bu idman növünün sirlərinə yiyələnir.
“Kolizey” kikboksinq klubunun direktoru və məşqçisi Kamran Nəsirov futbolinfo.az saytına açıqlamasında Mingəçevirdə kifayət qədər istedadlı idmançının olmasından, onların yarışlarda Azərbaycanı layiqincə təmsil etmələrindən danışdı. Bu istedadlar sırasında klubun yetirmələri Ayan Nəsirova, Nazpəri Cabbarova və Ömər Şükürovun adını çəkə bilərik. Onlar idmanı sevir, məşqlərə ürəklə yanaşır, yarışlarda uğurla çıxış edirlər.
“Kolizey”də bu idman növünün sirlərini öyrənən Ömər dəfələrlə respublika və beynəlxalq miqyaslı yarışlarda iştirak edib, müxtəlif mükafatlara layiq görülüb. Klubun digər yetirməsi Ayan isə son illər qazandığı uğurlarla diqqəti cəlb edir. 11 yaşlı idmançı bu ilin sentyabrında kadetlər arasında keçirilən respublika birinciliyində qızıl medal qazanmağa müyəssər olub.
İndi mingəçevirli kikboksinqçilər dekabr ayında baş tutacaq Azərbaycan çempionatına hazırlaşırlar.Əsas məqsəd bu yarışdan yüksək yer tutaraq Nur şəhərinə medallarla dönməkdir. Bunun üçün Azərbaycan çempionatında iştirak edəcək kikboksinqçilər məşqlərdə səylə hazırlaşır və məşqçi tərəfindən verilən tapşırıqları qüsursuz olaraq yerinə yetirirlər. Məşqlərin uğurla davam etdiyini bildirən Kamran Nəsirov tələbələrin Azərbaycan çempionatında yüksək yer tutacaqlarına inanır.
BƏHRUZ MUSAYEV, MİNGƏÇEVİR
Yazı Azərbaycan Respublikasının Medianın İnkişafı Agentliyinin maliyyə dəstəyi ilə hazırlanıb.
Sahə: Uşaq və gənclərin fiziki və mənəvi inkişafında idmanın rolu
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub