Milli komanda
Milli komandamız “Tofiq Bəhramov”a qayıdır
Futbol üzrə Azərbaycan milli komandası uzun fasilədən sonra Tofiq Bəhramov adına Respublka stadionuna qayıdır. Uzun illərdir rəqiblərini Bakı Olimpiya Stadionunda, “Dalğa Arena”da və ya “Bakcell Arena”da qəbul edən yığmamızla bağlı fərqli qərar var.
Futbolinfo.az-ın əldə etdiyi məlumata görə, Avro-2024-ün seçmə mərhələsinin növbəti 3 ev oyunundan ən azı biri Respublika stadionunda reallaşacaq. Avstriya millisi ilə matçla bağlı qərar verilib, digər oyunlarla bağlı isə danışıqlar aparılır.
Məsələ ondadır ki, AFFA hazırda oyunların BOS-da oynanılmasını istəmir. Həm futbolçular burada rahat olmadıqlarını bildirib, həm də sözügedən idman qurğusunun xərci həddindən artıq çoxdur. Mərdəkandakı “Dalğa Arena” assosiasiyanın balansında olduğu üçün matçın burada reallaşması iqtisadi cəhətdən daha sərfəlidir. Lakin belçikalılar UEFA-dan sentyabrın 9-dakı qarşılaşmanın böyük stadionunda keçirilməsini istədiyindən vəziyyət dəyişib. AFFA Respublika stadionun təklif edir, rəqib isə Bakıya gəlib tanış olduqları BOS-u istəyir. Qərar tezliklə verilməlidir.
Oktyabrın 16-da Avstriya millisi ilə ev matçı isə böyük ehtimalla məhz Respublika stadionunda olacaq. Xəbəri mətbuat xidmətinin yeni rəhbəri hələ də təyin olunmayan AFFA-dan dəqiqləşdirə bilməsək də, mənbəmiz etibarlıdır.
Yığmamızın bu il evdə keçirəcəyi digər matçlara gəlincə, sentyabrın 12-də İordaniya millisi ilə sınaq görüşü Mərdəkanda reallaşacaq. Noyabrın 19-da İsveçə qarşı son seçmə mərhələ matçı barədə məlumat yoxdur.
Xatırladaq ki, AGİN-in balansında olan Respublika stadionundan son illər qurğunu icarəyə götürən “Qarabağ” yararlanır. Hazırda arena təmirə bağlıdır və avqustda yenidən istismara veriləcək.
AĞA
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-05 20:57
“Sabah”dan növbəti qələbə
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO