Qaltye Messinin qalacağına ümid edir

PSJ-nin baş məşqçisi Kristof Qaltye Lionel Messi ilə danııqlara başlandığını təsdiqləyib. O, argentinalı dünya çempionu ilə yayda bitəcək müqaviləni yeniləmək istədiklərini deyib.

Futbolinfo.az xəbər verir ki, Messi Parisdə qalacağına çoxdan qərar verib. Klub rəhbərliyi ona əvvəlkindən daha yaxşı şərtlərlə yeni müqavilə təklif etdiyindən, hücumçu birillik yeni anlaşmaimzalamağa hazırdır. Lakin son günlər Səudiyyə Ərəbistanından gələn təklif vəziyyəti dəyişib.

Belə ki, Kriştianu Ronaldonu heyətinə qatan “Əl-Nəsr”in rəqibi “Əl-Hilal” Messiyə milyard avroluq müqavilə təklif edib. Bu üzdən vəziyyət dəyişib. Lionel hər nə qədər Avropada qalmaq istəsə də, ərəblərdən gələn fantastik şərtlər onun düşünmək üçün vaxt istəməsinə səbəb olub.

Bununla belə, Qaltye argentinalının onlarla qalacağına inanır: “Danışıqlar davam edir. Rəhbərlik Messi ilə detalları müzakirə edir. Prosesin hansı mərhələdə olduğunu bilmirəm, amma məncə, Leo Parisdə xoşbəxtdir. Klubun layihəsiylə bağlı fikirlərini bilmirəm, bu barədə danışmamışıq. Ümid edirəm ki, bizimlə qalacaq”.