Unay Emeri: “Qarabağ”ın çox şən, cəlbedici oyunu var”

İspaniyanın “Vilyarreal” klubunun baş məşqçisi Unay Emeri Avropa Liqasının qrup mərhələsinin 2-ci turunda “Qarabağ”a qarşı keçirdikləri oyunu şərh edib:

Futbolinfo.az xəbər verir ki, ispan mütəxəssis, 3:1 hesabıyla qələbə qazandıqları matçdan sonra baş tutan mətbuat konfransında bunları söyləyib:

• Maraqlı və rəqabətə davamlı oyun oldu. İlk hissədə “Qarabağ” baxımlı oyun göstərdi. Birinci hissədə istədiyim komandanı meydanda görmədim. Amma ikinci hissədə komandam özünə gəldi və düşünürəm ki, layiqli qələbə qazandıq.
• Daha əvvəl gördüyünüz “Qarabağ”la indiki arasında nə fərq gördüz?
• “Qarabağ”ın çox şən və cəlbedici oyunu var. Müqayisə edəndə, hardasa oxşarlıq var. “Qarabağ”ın yaxşı hücumameyilli futbolçuları var.
• “Qarabağ” hesabı açanda 3 qol vuracağınızı düşünürdüz, yoxsa artq məğlubiyyət gözləyirdiz?
• Əsas olan qol buraxdıqdan sonra sakitliyi qorumaqqdır. Qol vuracağımıza inanırdım.
• La Liqada belə epizodlarda penalti təyin edilə bilərmi?
• Penalti oyunun nəticəsini müəyyənləşdirmədi. Onsuz da hesabda öndə idik və qələbə qazanırdıq. VAR sistemi olsaydı, daha dəqiq deyə bilərik. Bəlkə də, təmas var idi, amma belə dəqiq deyə bilmərəm.
• Sizcə, “Qarabağ”ın qrupdan çıxma şansı necədir?
• Bizim üçün bu gün qələbə qazanmaq önəmli idi. Düzdür, qarşıda oyunlar var. “Qarabağ”ın qrupdan çıxmaq imkanları var.
• “Sivasspor” və “Qarabağ”la qarşılaşdız. Hansı komandanın oyunu sizin üçün daha çətin oldu?
• Hər iki komanda ilə oyun bizim üçün çətin oldu. Türkiyə çempionatı daha çətindir. “Makkabi”ni tanımıram, amma “Qarabağ” daha təcrübəlidir və yaxşı legionerləri var. “Qarabağ”ın qarşıdakı oyunlarda xal qazanacağına inanıram.