Ölkə futbolu
Əsl bombardir kimdi: Volkov, yoxsa Qurbanlı?
Azərbaycan Premyer Liqasının cari mövsümünün ilk yarısı Davit Volkovu önə çıxardı. Gürcü hücumçu 14 turda 10 qol vurmaqla bombardirlər yarışında ilk pilləyə qalxdı. Bütün matçlarda forma geyən, yalnız bir dəfə əvəzlənən forvard məşqçisinin etimadını doğrultdu.
Amma statistikaya baxsaq, Volkovdan daha faydalı futbolçular olduğunu görərik. Oyun vaxtı almaq baxımından daha şanssız olan, əvəzində məhsuldarlığıyla diqqət çəkən futbolçular da var.
Ümumiyyətlə, Premyer Liqanın azı 5 qol vuran 6 futbolçusu var. Onlardan üçü legioner, biri milliləşdirilən, ikisi isə gənc yerli hücumçudu.
Davit Volkov (“Zirə”) – 10
Filip Ozobiç (“Qarabağ”) – 7
Musa Qurbanlı (“Qarabağ”) – 6
Abdullah Zubir (“Qarabağ”) –6
Coy-Lens Mikels (“Sabah”) – 6
Ülvi İsgəndərov (“Qəbələ”) – 5
Amma futbolçuların oyun sayını, şans qazandıqları dəqiqələri əsas götürsək, mənzərə dəyişir. Volkov bütün oyunlarda meydanda olubsa, Ozobiçlə Zubir bu göstəriciyə 13, Mikels 12 matçda çatıb. Musa isə cəmi 8 qarşılaşmada forma geyməklə 3-cü pilləyə şərik olub.
Düzdü, Ülvi də 14 görüşdə oynayıb, lakin “Qəbələ”nin forvardı yalnız 2 dəfə hər iki hissəni görüb, adətən sonradan meydana daxil olub. Onun 14 turun hamısında oynamaqla cəmi 498 dəqiqə meydanda olduğunu nəzərə alsaq, bu, orta hesabla hər matçda 36 dəqiqə forma geydiyi anlamına gəlir.
Davit Volkov (“Zirə”) – 14 oyun, 1247 dəqiqə
Ülvi İsgəndərov (“Qəbələ”) – 14 oyun, 498 dəqiqə
Filip Ozobiç (“Qarabağ”) – 13 oyun, 867 dəqiqə
Abdullah Zubir (“Qarabağ”) – 13 oyun, 785 dəqiqə
Coy-Lens Mikels (“Sabah”) – 12 oyun, 996 dəqiqə
Musa Qurbanlı (“Qarabağ”) – 8 oyun, 474 dəqiqə
Futbolçuların meydanda olduqları vaxta görə vurduqları qollara baxsaq, Musa Qurbanlı önə çıxır. “Qarabağ”ın hücumçusu meydanda olduğu dəqiqələrə əsasən, ən məhsuldar futbolçudu. O, orta hesabla hər 79 dəqiqədən bir fərqlənib. Ülvidə bu göstərici 99,6-ya bərabərdi. Mikels isə ən pis göstəriciyə sahibdi – “Sabah” ın legioneri hər qol üçün 166 dəqiqə sərf edib.
Musa Qurbanlı (“Qarabağ”) – 474 dəqiqə, 6 qol, 79 orta qol dəqiqəsi
Ülvi İsgəndərov (“Qəbələ”) – 498 dəqiqə, 5 qol, 99,6 orta qol dəqiqəsi
Filip Ozobiç (“Qarabağ”) – 867 dəqiqə, 7 qol, 123,8 orta qol dəqiqəsi
Davit Volkov (“Zirə”) – 1247 dəqiqə, 10 qol, 124,7 orta qol dəqiqəsi
Abdullah Zubir (“Qarabağ”) – 785 dəqiqə, 6 qol, 130,8 orta qol dəqiqəsi
Coy-Lens Mikels (“Sabah”) – 996 dəqiqə, 6 qol, 166 orta qol dəqiqəsi
AĞA
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”