Ölkə futbolu
Sambaçıları kim məğlub etdi?
Braziliyanın bu kökə düşməsinin baiskarı nə futbol&c…
Braziliyanın bu kökə düşməsinin baiskarı nə futbolçulardı, nə də baş məşqçi Luis Felipe Skolari. Komandanın urvatsız çıxış etməsinin günahkarı Braziliya Futbol Federasiyasıdı (BFF). Bu ölkə son 5 ildə dünya səviyyəli bir oyunçu yetişdirməyib. Bircə dənə Neymardı, o da həddindən artıq şişirdilib. Sambaçıların heyətində başqa oyunçu olmadığı üçün liderə çevrilib. Ancaq bugünki oynuyla hətta 2010-cu ildəki Braziliyanın əsas aparıcı siması sayılmazdı. Sadəcə bu millinin heyətində yetərincə güclü oyunçu olmadığına görə Neymar ən yaxşısı hesab edilir. O, indiyə qədərki çıxışıyla Qana, ABŞ, Rusiya, İran bu kimi futbol üzrə üçüncü, dördüncü sort ölkələrin millilərində oynayardısa önəmli fiqur sayılardı. Nəinki Almaniya, Hollandiya, İtaliya, hətta hazırda eniş dövrünü yaşayan İngiltərə yığmasında oynasaydı belə komandanın liderliyinə yüksəlməz, oyunçuları arxasınca daşımaq iqtidarında olmazdı.
Braziliyanın almanlara (1:7), hollandlara (0:3) acı məğlubiyyəti, bundan başqa istər qrupda, istərsə də 1/8, 1/4 final matçlarında baxımlı, məzmunlu oyun nümayiş etdirə bilməməsində BFF böyük məsuliyyət daşıyır. Korrupsiyaya qurşanan bu qurum hər şeyi alver predmetinə çevirib. Təsəvvür edin, Braziliya ilə orta hesabla ilə 1500 futbolçu dünyaya ixrac edir. Dünya futbol bazarına son dörd ildə ən azı 6 min futbolçu buraxan Braziliya bu yarışa 23 oyunçu çıxarda bilmədi? Bəli, Braziliyanın heyətində Tiaqo Silva, David Luiz, Oskar, Ramires kimi oyunçular var. Ancaq onu da etiraf edək ki, bu heyət sambaçıların Dünya Çempionatına göndərdiyi ən zəifidi. Hətta 2006-cı ildə oynunu itirən Ronaldinyolu, Kakalı Braziliya daha güclü idi. Komandanın belə olmasına səbəb nədi? Ölkə milisinin başında duranların məsuliyyətsizliyi, səbəbsiz yerə özünə güvənc və korrupsiya.
BFF meydan amilinə güvənirdi. Həm də federasiya ölkədəki baş verən tüğyana görə içində rahatlıq vardı. Düşünürdü ki, FİFA ölkədə acların dünya çempionatının Braziliyada keçirilməsinə etiraz edirlər, bu səbəbdən sambaçıların yarımfinala qədər irəliləməsinə yardımçı olacaqlar. Əks halda çempionat yarımçıq qala bilər. Yarımfinaldan sonra isə Allah Kərimdi.
Hə, FİFA refereləri Braziliyaya qarşı simpatiya bəsləyirdilər. Məsələn, ilk açılış matçında – Xorvatiya ilə qarşılaşmada rəqibin qapısına 11 metrənin təyin olunması və bu kimi amillər Pelenin həmvətənlərinə yardımçı oldu. Sonu nəylə bitdi? Yarımfinala qədər FİFA-ya ümid bəsləyən BFF ölkəsinin elə 1/2-də darmadağınına şahidlik etdi.
1994-cü ildə Braziliyanı Dünya çempionu edən əfsanəvi futbolçu, hazırda deputat olan Romario da həmvətənlərinin almanlara biabırçı məğlubiyyətini günahını BFF-də gördü. Dedi ki, məsuliyyəti korrupsiyaya bulaşmış futbol qurumunun rəhbərliyi daşıyır.
20-ci Dünya Çempionatının qızıl medallarını hansı komandanın üzvləri qazansa 1-2 aydan sonra həmin ölkənin azarkeşləri bunu unudacaqlar, tarix kimi yaddaşlarına həkk edib bundan həzz alacaqlar. Ancaq Braziliyanın gözüyaşlı fanatları növbəti Dünya Çempionatına qədər qəhər içində yaşayacaqlar. Qarşıdakı dörd ilə “beş ulduzlular” o qədər güclü hazırlaşmalıdı ki, acı nəticələri unutdura bilsinlər. Ancaq indiki BFF rəhbərliyilə 21-ci Dünya Çemiponatına çıxmaq heç mümkün deyil. Çünki Latın Amerikası ölkələri getdikcə daha da güclənir. Argentina, Uruqvay, Çili, Kolumbiya komandalarına belə oyunla qalib gəlmək olmaz. Bu dəfəki yarış Braziliyada keçirilməsəydi, kim bilir, bəlkə də sambaçılar Dünya Çempionatına vəsiqə qazana bilməyəcəkdi. Meydan amili onları oyun keçirmədən finala daşıdı…
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”