Ölkə futbolu
İşğal günü şou-proqramda şadlanan ağdamlı
"Qarabağ"ın didərgin olduğu gündən 21 il ötd&…
"Qarabağ"ın didərgin olduğu gündən 21 il ötdü. 1993-cü ilə qədər ev oyunlarını "İmarət" stadionunda keçirən Ağdam klubu erməni qəsbkarlarının hücumundan sonra əhalisi kimi didərgin düşdü. Əsirlikdə qalmış torpaqlarımızın işğalı yaşlaşdıqca azyaşlı sakinləri böyüdü, qocaları Ağdamsız dünyasını dəyişdi.
Vətən oğulları Ağdamı düşmənə verməmək üçün gərgin mübarizə apardı. Vaxtı ilə "Qarabağ"ın baş məşqçisi olmuş Allahverdi Bağırov, bu kluba xüsusi sevgisi olan Asif Məhərrəmov (Fred Asif) kimi milli qəhrəmanlarımızla yanaşı, bir sıra digər qeyrətli vətən oğulları da bu mübarizədə idilər. Heç nəyi düşünmədən sinəsini irəli verən igidlərimiz arasında general Ərşad Nadirov da var idi. O, hazırda "Qarabağ"da çıxış edən Vüqar Nadirovun atası idi.
1993-cü il iyulun 22-də general Nadirovun olduğu hərbi hissə erməni qoşunları tərəfindən top atəşinə tutuldu. Milli qəhraman elə həmin yerdə, Ağdamda son nəfəsini alaraq, dünyasını dəyişdi. Ermənilər tərəfindən top mərmisi ilə şəhid edilən igidin oğlu, Vüqar Nadirovun da həvəsi topa oldu – futbol topuna…
Dünən gecə generalın vəfatından, bu gün Ağdamın işğalından 21 il ötdü. Ötən gün "Valletta" ilə matçda iki qol ötürməsi verən Vüqar sanki atasının ruhunu şad etmək üçün yaylım atəşi açdı. Ancaq bir gün sonra o, bu atəşi doğulduğu Ağdama tərəf atdı.
Bu gün "Xəzər" televiziyasında yayımlanan şou-proqrama qonaq olan futbolçu elə sözügedən kanala oyundan sonra açıqlamasında "İşğal günü kefimiz bir o qədər də yaxşı olmalı deyil" deyən Qurban Qurbanov qədər bir gün ağdamlı ola bilmədi. Halbuki futbolçunun bu gün gedəcəyi ilk yer müğənnilərin mahnı oxuduğu veriliş yox, Şəhidlər Xiyabanı olmalıydı. Özü də verilişə qatıldığı, əslən Fizuli rayonundan olan komanda yoldaşı Qara Qarayevlə birgə. Axı, Qarayevi azarkeşlər "Qarabağın igidi" şüarı ilə çağırırlar…
Bu gün yüzlərlə ağdamlı və ağdamlı olmayanlar Şəhidlər Xiyabanına üz tutmuşdu. Maraqlıdı ki, gün ərzində Ağdamı təmsil edən "Qarabağ" futbol komandasının hər hansı bir üzvü olmalı olduqları yerdə yox idi. Onlar yalnız rəsmi saytlarında bu günlə bağlı ötən il yazdıqlarını təkrar etmişdilər. Bu gün Şəhidlər Xiyabanında ayağı top tutanları bir ayağını səngərdə qoymuşlar əvəz edirdi. Qarabağ qazisi orada idisə, general Ərşad Nadirovun oğlu televiziyada gedən şou-proqramda iştirak edirdi. Onlar ayaqlarını, qollarını müharibədə itirmişlərin sayəsində müstəqillik qazandısa, ayaqları və vurduqları qollar hesabına aldıqları maşınları Şəhidlər Xiyabanına tərəf sürməyi özlərinə rəva bilmədilər.
EMİN SƏFƏROV
P.S. "Qarabağ"ın futbolçuları bu verilişə getməklə onsuz da böyük səhvə yol vermişdilər. Ancaq gec deyildi. Futboldan heç bir anlayışı olmayan aparıcı xanımların "Qurban Qurbanov komandada nə işinə baxır" sualının cavabında onlar studiyanı tərk etməli idilər. Buna görə onları heç kim nədəsə qınaya bilməzdi. Amma hətta belə biabırçı sualdan sonra da verilişdə qalırsansa…
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”