Müsahibə
Hafiz Əliyev: "Oğuz Çətin özünü reklam edir"
Oğuz Çətin "Xəzər Lənkəran"a baş məşqç…
Oğuz Çətin "Xəzər Lənkəran"a baş məşqçi təyin olunduqdan sonra uzun illərdi komandanın qapıçıları ilə çalışan Hafiz Əliyevi işindən uzaqlaşdırıldı. Əliyev həmin tarixdən U-19 komandasında çalışmağa başladı. Əsas komandanın məşqçisi isə Əiyevin yerinə Türkiyənin "Sivasspor" klubunda bu işlə məşğul olan həmyerlisi Murat Göksunu ölkəmizə dəvət etdi. Əliyevin gedişi, Murat Göksunun komandaya gec qoşulması nəticəsində qapıçılar bir müddət məşqçisiz qaldı. Yeni mövsümdə "Xəzər Lənkəran"ın ardıcıl iki oyunda uğursuzluğa düçar olmasının günahkarı cənubluların qapıçısı Orxan Sadıqlı göstərilir. Saytımıza müsahibə verən əsas komandanın sabiq qapıçılarla çalışan məşqçisi Hafiz Əliyev mövcud durumla bağlı suallarımızı cavablandırıb:
– Vaxtilə "Xəzər Lənkəran"ın əsas komandasında qapıçılar üzrə məşqçi işləmisiz. Ötən iki tur ərzində Orxan Sadıqlının çıxışı haqda nə deyə bilərsiz?
– Orxanın göstəriciləri yaxşıdı. Hər oyunda səhv ola bilər. Orxan yaxşı qapıçıdı. Təlim-məşq toplanışı ərzində yalnız iki qapıçı çalışır. Qapıçılarla işləyəndə hərtərəfli iş görmək lazımdı. Futbolda olan bütün hadisələr üzərində çalışmalısan. Onlar uzun müddət məşqçisiz qaldıqları üçün, bu da qapıçıların çıxışına təsir edib.
– "Sumqayıt"la oyunda komandanın Orxanın badına getdiyi iddia olunur. Siz həmin epizodu necə şərh edərdiz?
– Həmin epizodda qanunla penalti yox idi. Düzdü, Orxan bir az gecikmişdi. Bir az cəld hərəkət etsəydi, topu götürə bilərdi. Hər halda hücumçu topu vurandan sonra toqquşma olmuşdu. Çünki qapıçı topa çıxırdı. Hücumçunun vurduğu zərbə isə əyri getdi. Hakim həmin epizodda penalti verməyə bilərdi. Bəs orta xətt müdafiəçiləri harada idi? Onların arasında hücumçu keçib, qapıçı ilə təkbətək qalmışdı. Qapıçı nə etməlidi axı?
– Bəs AZAL-la oyunda buraxılan qolda necə?
– Bəli, AZAL-la oyunda onun səhvi var idi. Çünki yuxarı ilə gələn topu qarşılaşamaq üçün gərək yerində olaydı. Nə yerində dayanmışdı, nə də topa düzgün getdi. Belə qollar hərdən olur. Buna təsadüfi qol da demək olar.
– Son iki oyunda əldə olunan 1 xala görə azarkeşlər də, ictimaiyyət də Orxan Sadıqlını günahlandırır. Sizin reaksiyanız necədi?
– Xeyr, tək Orxanlıq deyil. Komanda qol vurmursa, qapıçı nə etməlidi? Bəs hanı sənin hücumçuların? Problem komandadadı. Çünki AZAL-la "Sumqayıt"a yuxarıdan aşağı baxırdılar.
– Növbəti turlarda əsas komandadan necə bir çıxış gözləyirsiz?
– Mən indi onlardan ayrıyam. Özləri bilər. Yaxşı motivasiya etsələr, nəsə ola bilər. Məncə, çətin olacaq. Növbəti turda "Simurq"la qarşılaşacaqlar. Sonra da evdə "İnter"i qəbul edəcəklər. Daha sonra "Neftçi" ilə oyun var. Bunların hamısı çətin qarşılaşmalardı.
– Komanda bu oyunlarda da uğursuz nəticə qazansa, çempionluqdan söz etməsi mənası olacaq?
– Düzdü, marofon uzundu. Ancaq hazır xallar əldən gedəndən sonra çox çətin olacaq. Elə ilk iki turda itirilən xallar da təsir edəcək. Bu, aydın məsələdi.
– Uzun illərdi əsas komandada məşqçi işləmisiz. Ancaq Oğuz Çətin sizə güvənmədi. Bunun səbəbi nədi?
– Tək mənimlə iş bitmir ki. Mənim yerimə gələni də, deməli, əvvəlki komandasında bəyənməyiblər. Bunlar gələndə də, özlərinkiləri gətirdilər. Rəhbərlik də razılıq verib. Bu, onların öz işidi.
– Yəqin ki, əsas komandadan getmək sizin ürəyinizcə olmadı…
– Mənə elə də təsir etməyib. Düzü, mən bu türklərlə işləməyi özüm də istəmirdim. Bunu dəqiq deyirəm. Heç bunlarla çalışmaq fikirim də yox idi.
– Səbəb?
– Səbəb çoxdu. Ancaq açıqlamağa ehtiyac yoxdu.
– Mustafa Dənizlinin vaxtında da belə düşünürdüz?
– Eyni şeydi. Mən bundan əvvəl başqa xarici məşqçilərlə işləmişəm. Hər halda onlar bunlardan daha üstün idilər. Bunlar özlərini reklam edirlər. Qoy etsinlər, axırı yaxşı olacaq.
– Sizcə, son illərdə "Xəzər Lənkəran"ın uğursuzluğuna görə günahkar kimdi?
– Mən haradan bilim? Səbəblər çoxdu. Ancaq bu, mənlik deyil. Gərək bunu başqasından soruşasız.
– Səbəbləri komandada çalışdığınız üçün demək istəmirsiz?
– Düzü, bu, məsələlər mənlik deyil. Uğursuzluğun səbəbini əsas komandanın məşqçi və rəhbərliyi deyə bilər.
EMİN SƏFƏROV
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”