Ölkə futbolu
“Neftçi” yenə yerli məşqçiyə tapşırılacaq
Böyükağa Hacıyevin “Neftçi”nin baş mə…
Böyükağa Hacıyevin “Neftçi”nin baş məşqçi postundan gözlənilən gedişini istefa adlandırmaq doğru deyil. Belə ki, o, əslində, Avropa Liqasında qrupa düşə bilməyəndən sonra öz aqibətini müəyyənləşdirmişdi. Sadəcə, rəhbərlik onu qovmaq üçün yerinə namizədi müəyyənləşdirmək istəyirdi.
“Partizan”la son matçdan sonra Böyükağa bəyin istefa verməyəcəyini deməsi də rəhbərliyə xoş gəlməyib. Və klub nümayəndələri bu özündənrazı açıqlamaya görə onunla vidalaşmağı qətiləşdiriblər. Son günlər klubdan bəzi qeyri-rəsmi işçilərin onun haqda mənfi fikirlər söyləməsinin də səbəbi bu imiş. Sosial şəbəkədə verilən məlum açıqlama yol üstdə olan çalışdırıcı üçün vida nəğməsi imiş.
İndi – Hacıyevin qovulmasından sonra onu kimin əvəz edəcəyi müzakirə mövzusu olacaq. Amma bəlkə müzakirə üçün vaxt qalmadı. Çünki “Neftçi” tezliklə yeni baş məşqçinin də adını elan edəcək. Və bakılılar bu dəfə də yerli kadra güvənəcək.
Əldə etdiyimiz bilgiyə görə, “Neftçi” danışıq apardığı 4 məşqçidən biri ilə razılıq əldə edib. Ağasəlim Mircavadov, Yunis Hüseynov, Şahin Dininyev və Arif Əsədovla danışıq aparan flaqmanın onlardan biri ilə anlaşacağı dəqiqdi. Bu adların içərisində isə sonuncunun şansı daha çoxdu. “Neftçi”ni uzun fasilədən sonra çempionluğa qovuşdurmuş Əsədov güman ki, Hacıyev üçün boşaltdığı postu yenidən geri alacaq.
Böyükağa bəy isə klubdan birdəfəlik uzaqlaşırılacaq. Onun əvvəlki kimi müşavir postunda və ya hər hansı digər vəzifədə çalışması mümkünsüzdü. Hər halda, bizdə olan məlumat belədi.
CAVAD
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”