Dünya futbolu
Klub prezidentindən himn qadağası
Türkiyənin “Gənclərbirliyi" klubunun prezidenti İl…
Türkiyənin “Gənclərbirliyi" klubunun prezidenti İlhan Cavcav maraqlı təkliflə çıxış edib. Futbolinfo.az xəbər verir ki, o, Superliqanın oyunlarından öncə ölkə himnini ifa etməməyi məsləhət görüb.
Qocaman futbol adamı bunu bəzi oyunlarda himnin fitə basılması ilə əlaqələndirib: "Buna heç kim cəsarət edə bilmir. Stadionlar və digər idman qurğuları ölkə himnin oxunacağı yer deyil. Türkiyə İdman Naziri və Futbol Federasiyasının prezidenti ən başda milli marşın Superliqada ifa edilməsinə qadağa qoymalıdı. Üçüncü liqada futbol matçından əvvəl himn oxunarkən fitə basılıb. Qəzetlərdə oxudum. Sabah, biri gün bu olayların artması ölkədə iğtişaşlara və qarşıdurmalara səbəb ola bilər. Mütləq tədbir görülməlidi. Lazım gəlsə, cənab prezident "İstiqlal marşı"nın yalnız milli komandanın oyunlarında səsləndirilməsi barədə tapşırıq verməlidi".
Cavcav prezidenti xatırlamışkən rəhbərlik etdiyi klubun təlim-məşq bazasının sökülməsinə də etiraz edib: "Bu gün hörmətli Erdoğan üçün hazırlanmış 1150 yataqlı köşk Türkiyə Cumhuriyyəti üçün tikilib. Köşkə yaxın olan təsislərin sökülməsi fikrini dəstəkləmirəm. "Gənclerbirliği" futbol klubunun təsisləri 1923-cü il, "Ankaragücü"nün isə 1907-ci ildə salınıb. İdman centlmenlik deməkdi. Prezident malikanəsi ilə qonşuluq bizim üçün sadəcə şərəf olar".
Qeyd edək ki, Cavcav bir müddət öncə futbolçularına saqqal saxlamaq qadağası qoymaqla gündəmə gəlmişdi.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”