2008-ci ildə İspaniya millisi ilə Avropa çempionu olan Luis Araqones baş məşqçilik karyerasını rəsmən başa vurub. Futbolinfo.az xəbər verir ki, bu barədə 75 yaşlı mütəxəssisin özü açıqlamasında deyib:
"Məşqlərə çıxmaq mənim üçün olduqca çətindi. Türkiyədən ayrılandan sonra işlərin belə çətinləşəcəyini bilirdim və belə də oldu".
Araqones baş məşqçi karyerası ərzində "Atletiko" (Madrid), "Barselona" "Sevilya", "Malyorka", "Betis", "Valensiya" kimi klubları çalışdırıb. Onun son iş yeri isə "Fənərbaxça" (2008-2009) olub.
