Bu gün UEFA Avropa Liqasında 2025-2026 mövsümünün qalibi məlum olacaq. Həlledici görüşdə “Frayburq” (Almaniya) və “Aston Villa” (İngiltərə) komandaları üz-üzə gələcək.
İstanbuldakı “Beşiktaş Park” stadionunda keçiriləcək oyun Bakı vaxtı ilə saat 23:00-da başlayacaq.
Bu turnirin 55-ci finalı “Frayburq”un tarixində ilk olacaq. “Aston Villa” isə uzun fasilədən sonra (1982-ci il) UEFA turnirlərində həlledici oyun həyəcanı yaşayacaq. İngilislər 1981/82 mövsümündə Avropa Çempionlar Kubokunu (indiki Çempionlar Liqası) və UEFA Superkubokunu qazanıb.
Finalın qalibi yalnız UEFA Avropa Liqasının kubokuna sahib çıxmayacaq, həm də 2026/2027 mövsümündə UEFA Çempionlar Liqasının qrup mərhələsinə vəsiqə qazanacaq.
Matçı Fransadan olan referi Fransua Leteksye idarə edəcək.
Avropa Liqası
Final
23:00 “Frayburq” (Almaniya) – “Aston Villa” (İngiltərə)
İstanbul. “Beşiktaş Park”
Qeyd edək ki, UEFA Avropa Liqasının son qalibi İngiltərənin “Tottenhem” klubu olub.
