Bu gün futbol üzrə Azərbaycan 1-ci Liqasında mükafatlandırma mərasimi baş tutub.
Futbolinfo.az xəbər verir ki, Binə qəsəbə stadionunda keçirilmiş tədbirdə turnirin qalibi “Şəfa” komandasına qızıl medallar və çempionluq kuboku təqdim edilib.
Bir tur əvvəl çempionluğu təmin etmiş komandaya qızıl medalları Peşəkar Futbol Liqasının prezidenti Elxan Səmədov, Peşəkar Futbol Liqasının texniki-idman direktoru Elgiz Abbasov və AFFA-nın baş katibinin müavini Elçin Məmmədov təqdim ediblər. Ardınca “Şəfa” komandası çempionluq kubokunu başı üzərinə qaldırıb.
