Klubların Maliyyə Nəzarəti Komitəsinin (CFCB) Birinci Palatasının hesabatına əsasən, UEFA maliyyə sabitliyi reqlamentinin iki bəndini pozduğuna görə «Nyukasl Yunayted» klubuna 6 milyon avrodan çox məbləğdə cərimə tətbiq edilib.
Birinci pozuntu üçillik dövr ərzində icazə verilən zərər həddinin aşılması, ikincisi isə 2025-ci ildə əməkhaqqı xərclərinin klubun gəlirlərinin 70%-i həcmində müəyyən edilmiş limitinə (Squad Cost Ratio) əməl olunmaması ilə bağlıdır.
Cərimə sanksiyaları «Nyukasl»ın transfer bazarındakı aktivliyinə zəmin yaradıb. 80 milyon avro qarşılığında «Barselona»ya transfer olunan vinger Entoni Qordon artıq klubu tərk edib. Həmçinin «Tottenhem»in maraq dairəsində olan yarımmüdafiəçi Sandro Tonalinin də komandadan gedəcəyi gözlənilir. Aparıcı oyunçuların satılması xərcləri UEFA normativlərinə uyğunlaşdırmaq və növbəti sanksiyaların qarşısını almaq məqsədi daşıyır.