“Gəncə” basketbol klubunun yeni baş məşqçisi məlum olub.
Futbolinfo.az xəbər verir ki, “sarı-göylər”i ABŞ-dən olan Martin Knejeviç çalışdıracaq.
47 yaşlı mütəxəssislə qarşıdakı mövsümün sonuna kimi müqavilə bağlanıb.
Qeyd edək ki, M.Knejeviç 12 illik peşəkar məşqçi karyerasında vətənindən başqa 7 ölkədə işləyib. O, Kanada, Danimarka, Rumıniya, Livan, Vyetnam, Meksika və Çində fəaliyyət göstərib. NBA-da çıxış edən bir çox oyunçu ilə çalışan mütəxəssis “Dallas” və “Klivlend” kimi klublarda iş təcrübəsinə malikdir.