AFFA İntizam Komitəsi Misli Premyer Liqasının 4-cü turunda qeydə alınan neqativ hallarla bağlı hüquqi qiymət verib.
Futbolinfo.az xəbər verir ki, qurum elitanın 4 komandasını cərimələyib.
“Kəpəz” – “Şamaxı” oyununda birincilərin 6 futbolçusu, ikincilərin isə 4 oyunçusu sarı vərəqə alıb. Hər iki klub 700 manat cəriməyə məruz qalıb.
“Turan Tovuz” – “Sumqayıt” görüşündə də eyni hal yaşanıb. “Turan Tovuz”da 5, “Sumqayıt”da 6 sarı vərəqə olub ki, bu da hər iki komandaya 700 manat bahasına başa gəlib.