Ölkə futbolu
Tahir Süleymanov bombanı partlatdı: “Bu, məqsədlidi”
AFFA-nın baş katibi Elxan Məmmədov son müsahibəsində 2009-c…
AFFA-nın baş katibi Elxan Məmmədov son müsahibəsində 2009-cu ildə Azərbaycan Premyer Liqasında keçirilmiş “Turan” – “Neftçi” oyununa toxunub. O, Tovuzda baş tutan qarşılaşmanın nəticəsinin əvvəlcədən müəyyənləşdirilməsinə eyham vuraraq qarşılaşmanı “faciəvi oyun" adlandırıb.
Xatırladaq ki, 2009-cu ildə UniBank Premyer Liqası adlanan Azərbaycan çempionatının “Turan” – “Neftçi” görüşünün ilk hissəsində fasiləyə 2:0 hesablı qələbə ilə yollanan tovuzlular fasilədən sonra 3 top buraxaraq uduzmuşdu.
Bu ittihama aydınlıq gətirmək üçün həmin dönəmdə “Neftçi”nin vitse-prezidenti vəzifəsində çalışan Tahir Suleymanovla əlaqə saxladıq. Bakı klubunun sabiq rəsmisi bu məsələ ilə bağlı Futbolinfo.az saytına danışdı:
“Belə bir fikir bildiribsə, həqiqi mənada absurddu. AFFA-nın baş katibi vəzifəsində çalışan bir şəxsin bu cür absurd fikirlər səsləndirməsi təəssüf doğurur. Həmin dönəmi yaxşı xatırlayıram. Peşəkar Futbol Liqası və şəxsən AFFA prezidenti Rövnəq Abdullayev bu tipli məsələlərə çox kəskin münasibət bildiriblər. Hər hansı bir problemin olmaması ilə bağlı araşdırmalar aparılıb və oyunların normal şəkildə keçirilməsi üçün bəyanatlar veriblər. Bu o deməkdi ki, baş katib Elxan Məmmədov birbaşa AFFA prezidenti Rövnəq Abullayevə qarşı çıxır. Bu, artıq faktdır. Digər tərəfdən də həmin vaxt “Neftçi”nin baş məşqçisi Vaqif Sadıqov idi. Bu gün o, Məşqçilər Komitəsinə rəhbərlik edir, hətta “Sumqayıt” klubundan İcraiyyə Komitəsinə namizədliyi irəli sürülüb. Hazırda Vaqif Sadıqovla baş katib Elxan Məmmədov AFFA-da birgə çalışırlar. Dəvət etsin, məsələləri araşdırsın. Biz də bu məsələlərə fikrimizi bildirməyə hazırıq. Təkrar edirəm, AFFA-nın məsul vəzifəsində çalışan rəsmisinin bu cür cəfəngiyyat bəyanat verməsi AFFA prezidenti Rövnəq Abdullayevə qarşı atılan addımdı. Bu, məqsədlidi. Elə həmin il də AFFA-nın baş katibi Elxan Məmmədov olub. Rövnəq Abdullayevin rəhbərliyi ilə həmin məsələlər müzakirə olunub. Bu onu göstərir ki, qarşıda Elxan Məmmədovun çox böyük oyunları var. Bu oyunlar həddindən artıq dərinləşir”.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”