Ölkə futbolu
“Trabzonspor” rəsmisi futbolinfo.az-a danışdı: “Bədavi ilə maraqlanmırıq”
Türkiyə Superliqasının iddialı klublarından olan “Trab…
Türkiyə Superliqasının iddialı klublarından olan “Trabzonspor”un millimizin və “Qarabağ”ın müdafiəçisi Bədavi Hüseynovu transfer etmək istədiyi xəbərləri yenidən gündəmi zəbt edib. Daha doğrusu, qardaş ölkə mətbuatı belə bir iddia ilə çıxış edib.
Türkiyəli həmkarlarımızın yazdığına görə, “Qarabağ” rəhbərliyi Hüseynovun “Trabzonspor”a keçməsinə görə qarşı tərəfdən 1 milyon dollar tələb edir. Məsələ burasındadı ki, Ağdam klubunun rəsmiləri də bu xəbəri təkzib etməklə yanaşı, Qara dəniz təmsilçisindən hər hansı bir təklif almadığını bildirib.
Məsələni daha da dəqiləşdirmək üçün, “Trabzonspor”un baş meneceri Süleyman Hurma ilə əlaqə saxladıq. Son Avropa Liqasının qalibi “Sevilya”dan Stefan M'bianın transferi üçün Belçikaya yollanan və bu keçidi rəsmiləşdirən Süleyman bəy səfərdən qayıtdıqdan sonra saytımıza açıqlamasında məsələ ilə bağlı bunları dedi: "Bizim transfer siyahımızda Bədavi Hüseynov adlı futbolçu yoxdu. Siz dediyiniz oyunçu ilə maraqlanmırıq. Mən bu xəbəri şaiyə adlandırardım”.
Maraq üçün onu da qeyd edək ki, Hurma “Trabzonspor”a “Kayserispor”dan keçib. O, kluba yeni rəhbərlik təyin olunduğu üçün kayseri təmsilçisindəki vəzifəsindən ayrılmışdı. Buna görə də, Süleyman bəy Kamran Ağayevin “sarı-qırmızılı” komandadakı aqibətinə aydınlıq gətirməkdə çətinlik çəkdi. Hurma “Kayserispor”dan ayrıldığım üçün sizin dediyiniz məsələ ilə bağlı açıqlama verə bilmirəm. Düzü, bu barədə məlumatım da yoxdu” deməklə kifayətləndi.
Qeyd edək ki, “Trabzonspor”un Bədavi Hüseynovu maraqlandığı xəbərlər hələ cari ilin aprel ayında da gündəmi zəbt etmişdi. Məsələ burasındadı ki, həmin vaxt da Trabzon təmsilçisinin icraçı direktoru Köksel Güney saytımıza açıqlamasında bu xəbəri təkzib etmişdi. Maraqlıdı ki, hər iki klub rəsmiləri ilə yanaşı, futbolçunun özü də bu xəbəri təkzib edir. Belə olan halda isə, sual yaranır: görəsən, qardaş ölkə mətbuatı hər ay bu xəbəri niyə yayır?
EMİN SƏFƏROV
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”