Ölkə futbolu
Skyelbred: "Azərbaycan bəsit futbol oynayır"
Norveç millisinin kapitanı Per Silyan Skyelbred milli komandam…
Norveç millisinin kapitanı Per Silyan Skyelbred milli komandamızla sabah baş tutacaq AÇ-2016-nın seçmə qrup mərhələsi qarşılaşması öncəsi yerli mətbuata maraqlı açıqlamalar verib.
Robert Prosineçkinin komandasının bir neçə oyununun disklərini izlədiklərini bildirən 27 yaşlı futbolçu millimizin yüksək texnikaya malik olduğunu bildirib: “Onlar əsas diqqəti topa nəzarətə yönəldirlər. Hesab qane edirsə, nadir hallarda böyük qüvvəylə hücuma çıxırlar. Ancaq istənilən hücumları təhlükəli alınır. Azərbaycan bəsit futbol oynayır. Bütün hallarda biz qalib gələ bilərik”.
Verdiyi açıqlamadan komandasının qələbəsinə arxayın olduğu hiss edilən Skyelbred yığmamızın yalnız bir neçə şərt baş tutacağı təqdirdə meydan sahiblərinə problem yaradacağını düşünür: “Qonaqlar ən yaxşı oyunlarını sərgiləyə bilsələr və həmin gün bizim oyun alınmasa, prbolemlər yaşaya bilərik. Ən azından Bakıda baş tutan (millimiz 0:1 məğlub olub – red.) görüşdə də gördük ki, bizi qayğılandırmaq iqtidarındadırlar. Həm də axı qələbə hər iki komandaya lazımdı. Turnir cədvəlinə diqqət yetirdikdə bu, dərhal hiss olunur. Bu səbəbdən də Azərbaycanın aqressiv oynayacağını düşünürəm”.
Sonda 27 yaşlı kapitan 3 gün öncə İsveçlə baş tutan yoxlama görüşünə də toxunub: “Bu matçda ən böyük uğurumuz qapımızın toxunulmazlığını qoruya bilməyimiz oldu. Doğrudu, istifadə etmədiyimiz qol fürsətlərinə görə təəssüflənirik. Ümid edirəm ki, cümə günü əldə etdiyimiz imkanları qaçırmayacağıq və Azərbaycan üzərində qələbə qazanacağıq. Əks təqdirdə, bu, narahatçılığa əsas olacaq”.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”