Premyer-liqa
AFFA rəsmisi: “İstənilən halda, “Rəvan”a lisenziya verilməyəcək”
Mayda Premyer Liqada iştirak etmə hüququ verən lisenziyaların…
Mayda Premyer Liqada iştirak etmə hüququ verən lisenziyaların tarixi bitib. Ancaq “Rəvan”ın gözlənilmədən Premyer Liqada peyda olması, özü də lisenziya almadan bu hüquqa yiyələnməsi, yumşaq desək, qəribədi.
Bəs paytaxt təmsilçinə lisenziya veriləcəkmi? Veriləcəksə, bu, nə vaxt baş verəcək? Bu suallara cavab tapmaq üçün AFFA-nın Lisenziyalaşdırma Komitəsinin rəhbəri Elçin Məmmədovla əlaqə saxladıq: “Məlum olduğu kimi, klublara lisenziyanın verilmə tarixi may ayında bitib. “Rəvan” Premyer Liqaya buraxılsa da, onlara komitəmiz tərəfindən lisenziya verilə bilməz”.
Məmmədovun cavabı gündəmə növbəti sualları gətirir. “Rəvan” lisenziyasız oynayacaq? Hansı hüquqi əsaslarla “aslanlar” elitaya buraxılıb? Bu suallarımıza cavab tapmaq üçün AFFA-nın mətbuat xidmətinin rəhbəri Mikayıl Nərimanoğlu ilə əlaqə saxladıq: “Təqribən 10 gün öncə “Simurq” rəhbərliyi Premyer Liqada iştirakdan imtina etmələri ilə bağlı PFL-ə müraciət edib. AFFA və PFL təcili şəkildə vəziyyətdən çıxış yolu axtarmağa başlayıb. Lisenziya tələblərinə cavab verməyə ən yaxın klub “Rəvan” olub. Bu səbəbdən də paytaxt təmsilçisinə müstəsna hal kimi, Premyer Liqada iştirak etmək hüququ verilib”.
Nərimanoğlu komandanın lisenziya alıb-almaması məsələsinə də toxundu: “Cari mövsüm üçün “Rəvan” lisenziya almayacaq. Ancaq bu, yalnız 1 illik icazədi. Fövqaladə vəziyyət yarandığı üçün federasiya rəhbərliyi bu addımı atdı. Axı, komandaların sayı cüt olmalı idi. Növbəti mövsüm üçün komanda lisenziya ala bilməsə, yenidən birinci diviziona göndəriləcək. Eyni zamanda, onu da qeyd edim ki, “Rəvan” avrokuboklara vəsiqə qazansa, fərqli tələblərə cavab verən lisenziyaya sahib çıxmalıdı. Həmin lisenziyanı ala bilməsələr, qitəmiqyaslı yarışlara növbəti pillənin sahibi yollanacaq”.
AFFA rəsmisinə son sualımız isə “hazırlıqsız “Rəvan”ı Premyer Liqaya calaq etməkdənsə, 1-ci divizonda 9-cu pillənin sahibi olan “Kəpəz”i də aşağı dəstədə oynatmaqla cüt sayı təmin etmək daha məqsədəuyğun olmazdımı” idi. Həm də Gəncə klubunun rəsmisi olan Mikayıl bəy bunun AFFA-dan asılı olmadığını söylədi: “Klubların sayını PFL müəyyənləşdirir. Bu qurum da öz növbəsində 10 komandanın iştirakını təmin etmək üçün AFFA-ya müraciət etdi. Yəni federasiya sadəcə, müstəsna hal kimi verilən təklifi müsbət dəyərləndirdi. Yaxın günlərdə bu barədə UEFA-nı da məlumatlandıracağıq”.
CEYHUN ƏLİYEV
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”
- Digər idman növləri2024-04-26 16:00
Finalın nominal meydan sahibi və başlama saatı bəlli oldu
- Digər idman növləri2024-04-26 17:22
Olimpiadanın püşkünün atılacağı gün məlum oldu