Premyer-liqa
“Neftçi” dəstək fikrindən daşındı
Topaz Premyer Liqasının növbəti turunda “Qəbələ&rdquo…
Topaz Premyer Liqasının növbəti turunda “Qəbələ”ni qəbul edəcək “Neftçi” fikrindən dönüb. Oktyabrın 18-də “Bakcell Arena”da üz-üzə gəlməli olan rəqiblərin duelinin Qəbələdə baş tutması, oyunun bir gün öncəyə çəkilməsi şifahi razılaşdırılmışdı. Amma son anda bakılılar fikrindən daşınıb.
Bu addımı atmağa konkret səbəb var idi. “Qəbələ” oktyabrın 22-də Avropa Liqasının qrup mərhələsi çərçivəsində Dortmund “Borussiya”sını qəbul etməlidi. Almanlarla oyun bütün qitənin diqqət mərkəzində olduğu üçün UEFA matçın baş tutacağı “Bakcell Arena”nın ideal durumda olmasını istəyir. Almanlarla görüşdən 4 gün öncə burada çempionat matçının keçirilməsi isə qazonun sıradan çıxmasına səbəb ola bilər. Bunu nəzərə alan “Qəbələ” “Neftçi”yə Bakıda başqa stadion axtarmaqdansa, ilk dövrə matçının Qəbələdə keçirilməsini təklif edib. Əvəzində ikinci dövrədə komandalar “Bakcell Arena”da üz-üzə gəlməlidi. Bu, həm də arenanın yaşıl örtüyünün “Borussiya” ilə oyun üçün qorunmasına kömək edəcəkdi.
“Neftçi” komandalarımızın avrokuboklardakı uğurunun ölkənin imicinə müsbət təsir etdiyini nəzərə alaraq, bu təklifə “hə” cavabı vermişdi. Düzdü, qərar rəsmən açıqlanmamışdı, amma bizdə şifahi razılıqla bağlı xəbər var idi. Bu gün isə öyrəndik ki, bakılılar “Qəbələ”yə kömək etməkdənsə, öz qayğılarına qalmağı üstün tutub. Onlar təklifi geri çevirib və uğursuz seriyaya son qoymaq üçün doğma azarkeşləri qarşısında çıxış etməyi lazım bilib. Görünür, “Neftçi” “Qəbələ”nin “Borussiya” ilə matça görə tam qüvvəylə oynamayacaqları amilini də nəzərə alıb.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”