Baş məşqçisini təhqir edən futbolçuya 4 oyunluq cəza

Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra aşağıdakı qərarlar çıxarılıb:

U-19 Liqasında “İnter” – “Neftçi” matçının 15-ci dəqiqəsində “İnter”in futbolçusu Tural Osmanov öz komandasının baş məşqiçisini təhqir etdiyinə görə meydandan kənarlaşdırıldığı üçün 4 oyun cəzalanıb.

U-17 Liqasında “Səbail” – “Zirə” matçının 65-ci dəqiqəsində “Zirə”nin baş məşqçisi Aqil Nəbiyev texniki zona qaydalarını pozduğuna görə meydandan kənarlaşdırıldığı üçün 1 oyun cəzalanıb.

U-17 Liqasında “İnter” – “Səbail” matçında “Səbail”in futbolçusu Xəzər Mahmudov oyunu buraxmalı olduğu halda oyunda iştirak etdiyinə görə kluba 0:3 hesablı texniki məğlubiyyət verilib.

U-16 Liqasında “Vətən” – “Kəpəz” matçının 62-ci dəqiqəsində “Vətən”in futbolçusu Qabil Əlizadə rəqibi təhqir etdiyinə görə meydandan kənarlaşdırıldığı üçün 3 oyun cəzalanıb.

U-16 Liqasında “Neftçi” – “Ağsu” matçının 10-cu dəqiqəsində “Neftçi”nin futbolçusu Orxan Fərəcov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.

U-15 Liqasında “Qəbələ” – “Şəmkir” matçında “Şəmkir” iştirak etmədiyinə görə kluba 0:3 hesablı texniki məğlubiyyət verilib.

U-17 Liqasında “Neftçi” – “Vətən” matçının 85-ci dəqiqəsində “Neftçi”nin futbolçusu Elton Əlibəyli rəqib futbolçunu təhqir etdiyinə görə meydandan kənarlaşdırıldığı üçün 3 oyun cəzalanıb.

U-19 Liqasında “Zirə” – “Şərurspor” matçında “Şərurspor” iştirak etmədiyinə görə kluba 0:3 hesablı texniki məğlubiyyət verilib. Bu hal 3-cü dəfə təkrar olunduğu üçün klub yarışlardan kənarlaşdırılıb.

U-19 Liqasında AZAL – “Sumqayıt” matçının 33-cü dəqiqəsində “Sumqayıt”ın futbolçusu Vüsal Buludlu hakimi  təhqir etdiyinə görə meydandan kənarlaşdırıldığı üçün 3 oyun cəzalanıb.