Ölkə futbolu
“Finalı öz əllərimizlə “Qarabağ”a verdik”
Ölkə kubokunun yarımfinal mərhələsinin cavab oyunları &cced…
Ölkə kubokunun yarımfinal mərhələsinin cavab oyunları çərçivəsində baş tutan “Qarabağ” – “Neftçi” oyununda hesab açılmadı. İki oyunun nəticəsinə görə “Qarabağ” mərhələ adlayan tərəf oldu.
Matçdan sonra isə "Neftçi"nin hücumçusu Daniel Seqovia “Futbolinfo”nun suallarını cavabladı:
– Matça yaxşı hazırlaşmışdıq. İstəyirdik ki, “Qarabağ”ı topsuz qoyaq və ona özümüz nəzarət edək. Kəsərli hücumlar yaratmaq istəyirdik. Rəqib buna imkan vermədi. Təhlükəli epziod yarada bilmədik. Oyunda 1 epziod yaratdıq, onda da Georgi Navalovskinin qayıdan zərbəsini qapıdan keçirə bilmədim.
– Həmin epizodda fərqlənsəydin, çox şey dəyişə bilərdi?
– Belə şeyləri fikirləşməyək. Ona qalsa, ilk oyunda qalib gəlməli idik. Onda fərqli olacaqdı. Kubokun finalını öz əllərimizlə verdik. “Vursaydım, vurmasaydım” söhbətini etmək istəmirəm.
– Çox emosional görünürsən. Oyuna görə beləsən?
– Məğlub olmuşuq da… Gülüb, sevinəsi deyiləm ki? Oyunumuz istədiyimiz kimi alınmadı. “Qara zolağ”a düşmüşük. 3 oyundur ki, qalib gəlmirik. 4 oyunumuz qalıb və maksimum nəticə əldə etmək istəyirdik. “Kəpəz”lə oyunda vəziyyəti düzəltməliyik.
– İlk oyundan sonra nəticə ilə barışmışdınız?
– Xeyr, deməzdim belə idi. Yaxşı hazırlaşmışdıq. Sadəcə, məşqçimiz belə taktika seçmişdi. İstəyirsənsə, 8 hücumçu ilə oyna. Bu o demək deyil ki, qalib gələcəksən. Bu oyunda rəqib bizə imkan vermədi.
– Avrokuboklara yalnız Premyer Liqadan vəsiqə qazana bilərsiz. Şanslarınızı necə dəyərləndirirsən?
– Bu, futboldu. Öncədən nəsə demək çətin olur. Biz “Neftçi”yik və qalib gəlmək üçün oynayırıq. Çempionatdan öncə hər klubun qarşısına vəzifə qoyulur. Məsələn, “Real”, “Barselona” və “Atletiko” kimi klubların qarşısında La Liqa, kubok və ÇL-ni qazanmaq məqsədi durur. Mövsümün sonunda isə baxanda görürsən ki, “Real” kimi klub da titulsuz qalır. Futbolda belə hallara rast gəlinir. Bu o demək deyil ki, həmin komandalar mübarizə aparmayıb, ciddi hazırlaşmayıb. Sadəcə, belə baş verib. Növbəti oyunlara hazırlaşacağıq və uğur qazanmağa çalışacağıq.
ELMAR ABDULLA-ZADƏ
- Ölkə futbolu2024-04-26 09:08
“Qarabağ”ın ildən-ilə böyüməsi məni qətiyyən təəccübləndirmir”
- Ölkə futbolu2024-04-26 10:17
Samir Abasov Laporta ilə görüşdü
- Müsahibə2024-04-26 12:11
Veşoviç ikinci titulu istəyir: “Rəqib formada olan çətin komandadır”
- Ölkə futbolu2024-04-26 15:09
“Qarabağ” Emeqaranı təəccübləndirib: “Bayer”in bəxti gətirdi”